Nana Patekar Viral Cricket Batting Video Celebrity Match Memories : भारतीय चित्रपटसृष्टीवर आपल्या दमदार अभिनयाने अधिराज्य गाजवणारे ज्येष्ठ अभिनेते नाना पाटेकर (Nana Patekar) यांचे गुरुवारी (८ ऑक्टोबर) पहाटे गोव्यात हृदयविकाराच्या झटक्याने निधन झाले. गोव्यातील मणिपाल रुग्णालयात त्यांना मृत घोषित करण्यात आले, तर पुण्यात शासकीय इतमामात त्यांच्यावर अंत्यसंस्कार पार पडले. नानांच्या निधनानंतर त्यांच्या अभिनयासह क्रिकेटप्रेमाच्या अनेक आठवणी ताज्या होत आहेत. दरम्यान, त्यांचा क्रिकेट खेळतानाचा एक व्हिडीओ सोशल मीडियावर व्हायरल होत आहे.

दुसऱ्याच चेंडूवर आऊट; तरीही नानांच्या उत्तराने जिंकली मने!

एका सेलिब्रिटी सामन्यात नाना पाटेकर फलंदाजी करतानाचा एक जुना व्हिडिओ सोशल मीडियावर तुफान व्हायरल झाला आहे. या व्हायरल व्हिडिओत नाना पाटेकर पांढऱ्या कपड्यांमध्ये मैदानावर फलंदाजी करताना दिसत आहेत. मात्र, खेळताना ते दुसऱ्याच चेंडूवर बाद झाले. स्वस्तात तंबूत परतल्यानंतर नाना म्हणाले, “पाहिलंस ना माझी बॅटिंग? कशी होती? मजा तर आली ना! खरं तर मला लवकर आऊट व्हायचं नव्हतं. पण मागे खूप फलंदाज खेळायचे बाकी होते. मी एकटाच २० षटकं खेळत राहिलो, तर बरं दिसणार नाही; म्हणून मी वाकडे-तिकडे फटके मारून आऊट झालो. जी गोष्ट जमत नाही, ती करण्यात खरी मजा असते!”

शिवाजी पार्कचे ऑफ स्पिनर अन् विराटचे जबरा फॅन!

 

View this post on Instagram

 

नाना पाटेकर केवळ क्रिकेटचे प्रेक्षक नव्हते, तर ते स्वतः उत्तम ऑफ स्पिन गोलंदाज होते. बालपणी दादरच्या ऐतिहासिक शिवाजी पार्कवर ते फलंदाजांना नेट प्रॅक्टिससाठी चेंडू टाकायचे. भारतीय संघाचा स्टार फलंदाज विराट कोहली हा त्यांचा अत्यंत आवडता खेळाडू होता. विराट स्वस्तात बाद झाला की आपल्याला जेवणाची इच्छाही होत नाही, अशी प्रामाणिक कबुली नानांनी एका मुलाखतीत दिली होती.

हेही वाचा – Nana Patekar Cricket : “मला फक्त १० दिवस द्या, भल्याभल्यांना चकवेन!”; नाना पाटेकरांमधील ‘तो’ खेळाडू शेवटपर्यंत राहिला अतृप्त

नानांच्या डायलॉग्सप्रमाणे क्रिकेटचे किस्सेही ठरले अजरामर!

नानांच्या निधनाने संपूर्ण देश हळहळला असला, तरी त्यांच्या साध्या, मनमोकळ्या आणि हजरजबाबी स्वभावाचे अनेक पैलू या व्हायरल व्हिडिओच्या माध्यमातून पुन्हा एकदा चाहत्यांच्या चेहऱ्यावर हसू आणत आहेत.