Nana Patekar Passed Away :  आपल्या दमदार अभिनयाने अनेक दशकं प्रेक्षकांच्या मनावर अधिराज्य गाजवणारे ज्येष्ठ अभिनेते नाना पाटेकर यांच्या निधनाने कलाविश्वावर शोककळा पसरली आहे. अभिनयासोबतच सामाजिक कार्यासाठीही नाना पाटेकर यांची वेगळी ओळख होती.

शेतकऱ्यांच्या प्रश्नांवर काम करताना त्यांनी प्रसिद्धीपासून दूर राहून मदतीचा हात पुढे केला. त्यांच्या याच सामाजिक कार्याची दखल उत्तर प्रदेशचे मुख्यमंत्री योगी आदित्यनाथ यांनीही घेतली होती.

नाना पाटेकर आणि अभिनेते मकरंद अनासपुरे यांनी ‘नाम’ फाउंडेशनच्या माध्यमातून महाराष्ट्रातील शेतकरी आणि ग्रामीण भागातील नागरिकांसाठी मोठं काम केलं. शेतकरी आत्महत्यांच्या पार्श्वभूमीवर संकटात सापडलेल्या कुटुंबांना मदत करण्यासाठी या दोघांनी पुढाकार घेतला. नाना पाटेकर यांच्या या कार्याची केवळ महाराष्ट्रातच नव्हे, तर देशभरात चर्चा झाली.  (Nana Patekar Passed Away)

याच कामाचा उल्लेख करताना उत्तर प्रदेशचे मुख्यमंत्री योगी आदित्यनाथ यांनी नाना पाटेकर यांचं जाहीरपणे कौतुक केलं होतं. नाना केवळ अभिनेते नसून अत्यंत संवेदनशील व्यक्ती असल्याचं योगी आदित्यनाथ यांनी म्हटलं होतं.

‘जेव्हा महाराष्ट्रात मोठ्या संख्येने शेतकरी आत्महत्या करत होते, तेव्हा त्यांना मदतीचा हात पुढे करणाऱ्यांमध्ये नाना पाटेकर आघाडीवर होते,’ अशा शब्दांत योगींनी त्यांच्या कार्याचा गौरव केला होता.

Yogi Adityanath : योगी आदित्यनाथ यांच्याकडून नाना पाटेकरांचं तोंडभरून कौतुक; म्हणाले, ‘इतका मोठा अभिनेता असूनही शेतकऱ्यांसाठी…’

नाना पाटेकर आपल्याला भेटण्यासाठी आले होते, त्यावेळी त्यांनी स्वतःची ओळख करून देताना आपण शेतकऱ्यांच्या कल्याणासाठी काम करत असल्याचं सांगितलं. हे ऐकून आपल्याला आश्चर्य वाटल्याचंही योगी आदित्यनाथ यांनी सांगितलं होतं. ‘इतका मोठा अभिनेता शेतकऱ्यांसाठी काम करत होता आणि तेही कोणत्याही प्रसिद्धीशिवाय,’ असा उल्लेख त्यांनी केला होता.

नानांच्या सामाजिक कार्याचा आवाका केवळ शेतकऱ्यांपुरता मर्यादित नव्हता. उत्तर प्रदेश पोलिसांच्या सायबर सुरक्षा जनजागृती मोहिमेतही त्यांनी योगदान दिलं होतं. ‘डिजिटल अरेस्ट’सारख्या सायबर फसवणुकीच्या प्रकारांपासून नागरिकांनी सावध राहावं, यासाठी त्यांनी शॉर्ट फिल्मच्या माध्यमातून जनजागृती करण्याचाही प्रयत्न केला.

अभिनयाच्या पडद्यावर अनेक भूमिका साकारत प्रेक्षकांच्या मनात स्थान निर्माण करणारे नाना पाटेकर सामाजिक कार्यातूनही आपली वेगळी छाप सोडून गेले. त्यामुळे त्यांच्या निधनानंतर त्यांच्या अभिनयासोबतच समाजासाठी केलेल्या या कामाचीही पुन्हा एकदा आठवण होत आहे. नाना पाटेकर यांच्या कार्याची योगी आदित्यनाथ यांनी घेतलेली दखल ही त्यांच्या सामाजिक योगदानाची महत्त्वाची नोंद ठरते.