Nagpur Earthquake : नेहमीप्रमाणे भरदुपारी शांत असलेल्या उपराजधानी नागपुरात (Nagpur Earthquake) अचानक एक विचित्र हालचाल जाणवली आणि क्षणात नागरिकांची पाचावर धारण बसली. दुपारी ३ वाजून २० मिनिटांच्या सुमारास घरांची छते, भांडी आणि खिडक्या अचानक थरथरू लागल्या.

जमिनीखाली काहीतरी गडगडल्यासारखा विचित्र आवाज आणि कंप जाणवताच काय घडते आहे हे समजण्याच्या आतच लोकांनी घराबाहेर आणि रस्त्यांवर धाव घेतली. काही क्षणांसाठी शहरात प्रचंड गोंधळ आणि भीतीचे वातावरण (Nagpur Earthquake) निर्माण झाले होते.

सुरुवातीला मोठा अपघात किंवा स्फोट झाल्याची शंका व्यक्त केली जात होती, मात्र काही वेळातच या गूढ धक्क्यांमागील कारण समोर आले. नागपूर आणि लगतच्या परिसरात ३.० रिश्टर स्केल तीव्रतेचा सौम्य भूकंप झाला होता.

भूकंपाचा केंद्रबिंदू जमिनीखाली अवघ्या ८ किलोमीटर खोलीवर असल्याने जमिनीवर त्याचे तीव्र कंप जाणवले. सुदैवाने या धक्क्यांमुळे कोणतीही जीवित अथवा मोठी वित्तहानी झाली नसली, तरी भरदुपारी अचानक बसलेल्या या धक्क्याने (Nagpur Earthquake) नागपूरकरांना चांगलाच हादरा दिला.