Akola By-poll Result : अकोला जिल्ह्यातील पातूर नगरपालिकेच्या पोटनिवडणुकीत महाविकास आघाडीने बाजी मारली आहे. काँग्रेस आणि शिवसेना (उद्धव बाळासाहेब ठाकरे) यांच्या आघाडीने नगराध्यक्षपदासह नगरपालिकेतही वर्चस्व कायम राखले. दुसरीकडे अकोट नगर परिषदेच्या प्रभाग क्रमांक ४ मधील दोन्ही जागांवर भाजपने विजय मिळवत आपले संख्याबळ वाढवले. (Akola By-poll Result)

नगराध्यक्षपदी काँग्रेसचे इद्दू पैलवान विजयी

महाविकास आघाडीचे उमेदवार हिदायत खान रूम खान उर्फ इद्दू पैलवान यांनी नगराध्यक्षपदाची निवडणूक जिंकली. त्यांनी राष्ट्रवादी (अजित पवार), वंचित बहुजन आघाडी आणि एमआयएमच्या संयुक्त ‘विकास योद्धा पॅनल’चे उमेदवार सय्यद बुऱ्हाण नबी यांचा 1,601 मतांनी पराभव केला. (Akola By-poll Result)

नगराध्यक्षपदाचा निकाल

हिदायत खान रूम खान (काँग्रेस) – 6,009 मते (विजयी)
सय्यद बुऱ्हाण नबी (विकास योद्धा पॅनल) – 4,408 मते
सचिन ढोणे (भाजप) – तिसरे स्थान
सुभाष बोचरे (शिंदे शिवसेना) – 194 मते
पातूर नगरपालिकेतील पक्षीय बलाबल

एकूण जागा : 20

काँग्रेस – 8
शिवसेना (उद्धव बाळासाहेब ठाकरे) – 2
भाजप – 2
विकास योद्धा आघाडी (राष्ट्रवादी अजित पवार + वंचित + एमआयएम) – 8

अकोटमध्ये भाजपचा दुहेरी विजय

अकोट नगर परिषदेच्या प्रभाग क्रमांक 4 मधील दोन्ही पोटनिवडणूक जागांवर भाजपने विजय मिळवला. (Akola By-poll Result)

विजयी उमेदवार :

उमेश हरसुलकर (भाजप) – 1,401 मते, रेश्मा चंदन (शिंदे शिवसेना) यांचा पराभव.
शारदा योगेश नाठे (भाजप) – 1,706 मते, भारती प्रशांत नाठे यांचा 778 मतांनी पराभव.

या निकालानंतर अकोट नगर परिषदेत भाजपचे संख्याबळ 11 वरून 13 नगरसेवकांपर्यंत वाढले आहे. पातूरमध्ये महाविकास आघाडीने वर्चस्व कायम राखले असताना, अकोटमध्ये भाजपने दोन्ही जागा जिंकत आपली ताकद वाढवल्याचे या पोटनिवडणुकीच्या निकालातून स्पष्ट झाले आहे. (Akola By-poll Result)