Mumbai Railway – केंद्र सरकारनं मुंबईसाठी रेल्वेच्या तीन योजनांना मंजुरी दिली आहे. त्यानुसार मुंबईतील उपनगरीय लोकल सेवेत 300 नव्या गाड्यांचा समावेश करण्यात येणार आहे. तसेच वसईमध्ये मेगा रेल्वे टर्मिनल्स उभारले जाणार आहे. दरम्‍यान, राज्यातील विधानसभेच्या निवडणुकीनंतर आता मुंबई महापालिकाच्या निवडणुकांसाठी भाजपने चांगलीच कंबर कसल्याचे चित्र दिसत आहे.

केंद्र सरकारकडून मुंबईकरांसाठी रेल्वेच्या तीन योजनांना मंजुरी देण्यात आली आहे. त्यानुसार मुंबईतल्या उपनगरीय लोकल सेवेत आता 300 नव्या गाड्यांचा समावेश करण्यात येणार आहे. पश्चिम रेल्वेवरच्या मुंबई सेंट्रल आणि वांद्रे टर्मिनल्सची, तसेच मध्य रेल्वेवरच्या परळ, लोकमान्य टिळक टर्मिनल, कल्याण आणि पनवेल टर्मिनलची क्षमता वाढवण्याचा निर्णय घेण्यात आला आहे.

तसेच पश्चिम रेल्वेच्या जोगेश्वरी आणि वसई रोड स्थानकांवर नवी टर्मिनल्स उभी करण्याचा निर्णय देखील यावेळी घेण्यात आला आहे. भाजप नेते आणि माजी उपमुख्यमंत्री देवेंद्र फडणवीस यांनी एक्सवर पोस्ट करून पंतप्रधान नरेंद्र मोदी आणि केंद्रीय रेल्वेमंत्री अश्विनी वैष्णव यांचे आभार मानले आहेत.