Mumbai Pune Expressway : मुंबई-पुणे एक्सप्रेसवेवरील महत्त्वाकांक्षी ‘मिसिंग लिंक’ प्रकल्प आजपासून सुरू झाला असून या प्रकल्पाचे उद्घाटन मुख्यमंत्री देवेंद्र फडणवीस, उपमुख्यमंत्री एकनाथ शिंदे यांच्या उपस्थितीत करण्यात आले. या प्रकल्पामुळे मुंबई-पुणे प्रवास अधिक वेगवान आणि सुरक्षित होणार आहे. (Mumbai Pune Expressway) उद्घाटनावेळी बोलताना देवेंद्र फडणवीस यांनी ‘मिसिंग लिंक’ या नावावर पुनर्विचार करण्याचे संकेत दिले. “आता ही लिंक पूर्ण झाली आहे, त्यामुळे ‘मिसिंग’ हा शब्द योग्य वाटत नाही. याला ‘कनेक्टिंग लिंक’ असे म्हणायला हवे,” असे ते म्हणाले. तसेच या प्रकल्पाला नवीन नाव देण्याचा विचार सुरू असून लवकरच अंतिम निर्णय घेतला जाईल, असेही त्यांनी स्पष्ट केले. (Mumbai Pune Expressway) Mumbai Pune Expressway : मिसिंग लिंकचं नाव बदलणार? मुख्यमंत्र्यांची मोठी घोषणा मुख्यमंत्र्यांनी सूचनाही दिल्या की, सध्याचे नाव बदलून ‘मिसिंग’ ऐवजी ‘कनेक्टिंग लिंक’ असा उल्लेख करावा. “आता काहीही मिसिंग राहिलेले नाही,” असे ते म्हणाले. या प्रकल्पामुळे सुमारे ६ किलोमीटर अंतर कमी होणार असून प्रवासाचा वेळ सुमारे ३० मिनिटांनी कमी होणार आहे. यामुळे इंधनाचीही बचत होणार असल्याचे त्यांनी सांगितले. (Mumbai Pune Expressway) दरम्यान, हा नवीन मार्ग खोपोली ते लोणावळ्याजवळील कुसगाव यांना जोडतो. या मार्गामुळे जुन्या घाट विभागातील सुमारे ७० टक्के वाहतूक वळवली जाईल, अशी अपेक्षा व्यक्त केली जात आहे. त्यामुळे भविष्यात मुंबई-पुणे दरम्यानचा प्रवास अधिक सुसाट आणि सुलभ होणार आहे. (Mumbai Pune Expressway)