Mumbai High Court : उच्च न्यायालयाला बॉम्बने उडवून देण्याची पुन्हा धमकी देण्यात आली. यानंतर मुंबई पोलिसांनी त्वरित अॅक्शन मोडमध्ये येत मुंबई उच्च न्यायालयाच्या परिसरात सुरक्षा वाढवली आहे. यापूर्वी देखील मुंबई उच्च न्यायालय उडवून देण्याची धमकी आली होती. पोलिसांनी दिलेल्या माहितीनुसार, कोर्ट परिसरात कोणतीही संशयास्पद असे काही आढळून आलेले नाही. त्याचबरोबर परिसरात सर्च ऑपरेशन देखील करण्यात आले आहे. या धमकीनंतर उच्च न्यायालयाच्या परिसरातील सुरक्षा कडक करण्यात आली आहे. मुंबई उच्च न्यायालय उडवून देण्याची ही दुसरी धमकी आहे. यापूर्वी १२ सप्टेंबर रोजी देखील मुंबई उच्च न्यायालय बॉम्बने उडवून देण्याची धमकी आली होती.
