Shiv Sena : महाराष्ट्राच्या राजकारणात सध्या राजकीय घडामोडींना वेग आला आहे. राष्ट्रवादी काँग्रेसच्या दोन्ही गटांच्या संभाव्य विलीनीकरणावरून राजकीय वर्तुळात चर्चा सुरू असतानाच आता शिवसेनेच्या दोन्ही गटांनी एकत्र यावे, अशी इच्छाही व्यक्त केली जात आहे. याच पार्श्वभूमीवर शिंदे गटाचे आमदार चंद्रकांत सूर्यवंशी यांनी मोठं विधान केले आहे.

उद्धव ठाकरे आणि एकनाथ शिंदे पुन्हा एकत्र येणार का? असा प्रश्न राजकीय वर्तुळात उपस्थित होत आहे. यावर शिंदे गटाचे आमदार चंद्रकांत सूर्यवंशी यांनी आपली भूमिका मांडली.

‘उद्धव ठाकरे आणि एकनाथ शिंदे एकत्र आले, तर तीच खरी दिवाळी असेल,’ असे विधान त्यांनी केले. ज्या दिवशी शिवसेनेत फूट पडली, तो अत्यंत दुर्दैवी प्रसंग होता. असा प्रसंग घडायलाच नको होता, अशी खंतही त्यांनी व्यक्त केली.

त्यांच्या या विधानामुळे शिवसेनेच्या दोन्ही गटांच्या संभाव्य एकत्रीकरणाच्या चर्चांना पुन्हा एकदा हवा मिळाली आहे. आता या विधानावर उद्धव ठाकरे आणि एकनाथ शिंदे यांच्याकडून काय प्रतिक्रिया येते, याकडे राजकीय वर्तुळाचे लक्ष लागले आहे.

राष्ट्रवादीच्या गोटात हालचालींना वेग

दरम्यान, राष्ट्रवादी काँग्रेसचे ज्येष्ठ नेते शरद पवार रुग्णालयात दाखल असताना राजकीय नेत्यांनी त्यांची भेट घेतली होती. प्रकृतीत सुधारणा झाल्यानंतर त्यांना रुग्णालयातून डिस्चार्ज देण्यात आला. त्यानंतरही अनेक नेत्यांनी त्यांची भेट घेतली. राष्ट्रवादी काँग्रेसचे खासदार पार्थ पवार यांनी देखील शरद पवारांची भेट घेतली होती. आता पार्थ पवार पुन्हा एकदा त्यांची भेट घेण्यासाठी रवाना झाल्याची माहिती समोर आली आहे. त्यामुळे पुढील घडामोडींकडे राजकीय वर्तुळाचे लक्ष लागले आहे.

Accident News: कात्रजमध्ये पीएमपीएमएल बसची पादचाऱ्यांना धडक; एकाचा मृत्यू, दुसरा गंभीर