Rupali Chakankar on Raksha Khadse |  मंत्र्यांचीच मुलगी सुरक्षित नसल्याचे समोर आले आहे. केंद्रीय राज्यमंत्र्यांच्या मुलीची छेड काढल्याचा धक्कादायक प्रकार घडला आहे. जळगावमधील मुक्ताई मंदिरात रक्षा खडसे यांच्या मुलीसह अन्य काही मुलींची टवाळखोरांनी छेड काढली. ही घटना उघड होताच विरोधकांनी सरकारवर टीकेची झोड उठवली आहे.  याप्रकरणावर आता महाराष्ट्र राज्य महिला आयोगाच्या अध्यक्षा रूपाली चाकणकर यांनीही कठोर भूमिका घेतली आहे.

या घटनेवर महाराष्ट्र राज्य महिला आयोगाच्या अध्यक्षा रूपाली चाकणकर यांनीही कठोर भूमिका घेतली आहे. त्या म्हणाल्या, “या प्रकरणाकडे मी स्वतः लक्ष देत आहे. पोलिसांनी गुन्हा दाखल केला असून आरोपींना ताब्यात घेतले आहे. या टवाळखोरांवर कठोर कारवाई केली जाईल. ही विकृती समाजातून नष्ट झाली पाहिजे. यापूर्वी त्या टवाळखोरवर गुन्हा दाखल आहे. या गुन्हेगारांचे चेहरे लोकांसमोर आणले पाहिजेत. केवळ काळे कपडे घालून निषेध करण्यापेक्षा, त्यांना कायदेशीर शिक्षा झाली पाहिजे.”

पुण्यातील आणखी एक संतापनक घटना समोर

तर दुसरीकडे पुण्यातील आणखी एक संतापनक घटना समोर आली आहे. जन्मदात्या पित्यानेच पोटच्या मुलीवर लैंगिक अत्याचार केल्याच्या धक्कादायक घटनेने पुन्हा एकदा पुणे हादरले आहे. ही घटना नांदेड सिटी परिसरात घडली आहे. नराधम बापाने आपल्या १४ वर्षांच्या मुलीवर लैंगिक अत्याचार करत नात्याला काळीमा फासला आहे. या प्रकरणी नांदेड सिटी पोलिस स्टेशनमध्ये ४५ वर्षीय नराधम बापाविरोधात पोस्को अंतर्गत गुन्हा दाखल करण्यात आला आहे.

यावर बोलताना चाकणकर यांनी अशा बाप असलेल्या व्यक्तींना चिरडून काढले पाहिजे, पण आपण न्यायाच्या चौकटीत आहोत. कायद्यामुळे हात बांधले जातात अन्यथा आम्ही कडक कारवाई केली असती, असा थेट इशारा दिला.

दरम्यान, राज्यात महिलांच्या सुरक्षेचा प्रश्न गंभीर बनत चालला असून, केंद्रीय मंत्र्यांच्या कुटुंबातील व्यक्तीवरच असे प्रकार घडत असतील, तर सामान्य मुलींचे काय? असा सवाल उपस्थित करण्यात येत आहे.

हेही वाचा:  

शिवसेना भाजपमध्ये विलीन करण्याचा सल्ला? शाह-शिंदेंच्या भेटीवरून संजय राऊतांचा मोठा दावा