Mistral AI deal। डच सेमीकंडक्टर कंपनी ASML ने पंतप्रधान नरेंद्र मोदी यांच्या खुल्या आणि व्यवसाय-अनुकूल दृष्टिकोनाचे कौतुक केले आहे. कंपनीचे सीईओ क्रिस्टोफ फूके यांनी अलीकडेच पंतप्रधान मोदींची जवळजवळ दोन तास भेट घेतली. त्यानंतर ASML चे कार्यकारी फ्रँक हीमस्कर्क यांनी मोदींचे कौतुक करताना, “बैठकीदरम्यान पंतप्रधान मोदींनी केवळ ऐकले नाही तर कंपनीकडून अभिप्राय देखील मागितला” असे त्यांनी म्हटले. तर या भेटीनंतर मोदी यांनी, “तुम्ही खूप मैत्रीपूर्ण आहात. आम्ही काय चांगले करू शकतो ते आम्हाला सांगा.”असे म्हणाले.

युरोपियन युनियन नेत्यांशी तुलना Mistral AI deal। 

ब्रुसेल्समधील एका व्यवसाय शिखर परिषदेदरम्यान जेव्हा हीमस्कर्क यांना विचारले गेले की त्यांची कंपनी वरिष्ठ ईयू नेत्यांशी सहजपणे बैठका मिळवू शकते का, तेव्हा त्यांनी विनोदाने म्हटले की, “व्हाईट हाऊसमधील वरिष्ठ अधिकाऱ्याला भेटणे युरोपियन कमिशनरला भेटण्यापेक्षा सोपे आहे.”

फ्रेंच एआय कंपनीशी करार

ASML च्या फ्रेंच एआय कंपनी मिस्ट्रलसोबतच्या अलिकडच्या १.३ अब्ज युरोच्या कराराबद्दल बोलताना त्यांनी,”ही भागीदारी भू-राजकारणामुळे चालत नव्हती, तर औद्योगिक एआयवर मिस्ट्रलच्या जोरदार लक्ष केंद्रितामुळे होती” असे म्हटले आहे.

भारतात सेमीकंडक्टर क्रांतीची तयारी Mistral AI deal। 

ASML ची मान्यता अशा वेळी आली आहे जेव्हा भारत सेमीकंडक्टर क्षेत्रात क्रांती घडवण्यासाठी सज्ज आहे. ऑगस्टमध्ये, पंतप्रधान मोदींना इस्रोच्या सेमीकंडक्टर प्रयोगशाळेने विकसित केलेली पहिली ‘मेड-इन-इंडिया’ चिप, विक्रम दाखवण्यात आली. स्वातंत्र्यदिनी, पंतप्रधान मोदींनी घोषणा केली की ही चिप या वर्षाच्या अखेरीस बाजारात उपलब्ध होईल.