Teacher Attack : गुरु-शिष्य नात्याला काळीमा! विद्यार्थ्याकडून शिक्षकावर चाकूने हल्ला; नेमकं प्रकरण काय?
Teacher Attack : शिक्षण क्षेत्राला हादरवून सोडणारी एक अत्यंत धक्कादायक आणि खळबळजनक घटना समोर आली आहे.
Teacher Attack : शाळेत टीसी घेण्यासाठी आलेल्या एका अल्पवयीन विद्यार्थ्याने आपल्या माजी वर्गशिक्षकावर थेट चाकूने हल्ला केल्याची घटना घडली आहे.
2023 मध्ये नववीत शिकत असताना विशाल धूशिंग हे त्या विद्यार्थ्याचे वर्गशिक्षक होते. त्याच वर्षी तो परीक्षेत नापास झाला. (Teacher Attack)
त्या काळात शिक्षकांसोबत त्याचे वादही झाले होते. याच रागातून आज तो टीसी घेण्यासाठी येताना ऑनलाइन मागवलेला चाकू सोबत घेऊन आल्याचे तपासात समोर आले आहे. (Teacher Attack)
माहितीनुसार, टीसी घेण्यासाठी आलेला एक अल्पवयीन विद्यार्थी थेट मुख्याध्यापिकेच्या दालनात पोहोचला. तिथे त्याची भेट माजी वर्गशिक्षक विशाल धूशिंग यांच्याशी झाली. सुरुवातीला चर्चा सुरू झाली, मात्र काही क्षणांतच त्याचे रूपांतर वादात झाले. (Teacher Attack)
मुख्याध्यापिका आणि शिक्षक विद्यार्थ्याची समजूत काढण्याचा प्रयत्न करत होते. पण जवळपास अर्धा तास सुरू असलेल्या या वादानंतर परिस्थिती अचानक हाताबाहेर गेली. विद्यार्थ्याच्या मनात दोन वर्षांपासून साचलेला राग उफाळून आला होता. (Teacher Attack)
Sanaswadi Crime: धक्कादायक! सणसवाडीत ५ वर्षांच्या चिमुरडीवर अत्याचार; थेट भोपाळमध्ये नेऊन केला खून
वाद संपताच वर्गशिक्षक दालनाबाहेर पडत असताना विद्यार्थ्याने अचानक चाकू बाहेर काढत त्यांच्यावर हल्ला केला. शिक्षकांना वाचवण्यासाठी धावलेल्या एका व्यक्तीलाही त्याने चाकूचा धाक दाखवत मागे हटवले. या गोंधळात मुख्याध्यापिकेने प्रसंगावधान राखत स्वतःचा बचाव केला. (Teacher Attack)
हल्ल्यात जखमी झालेल्या शिक्षकांना तातडीने रुग्णालयात दाखल करण्यात आले असून, त्यांच्यावर उपचार सुरू आहेत. घटनेनंतर पोलिसांनी अल्पवयीन विद्यार्थ्याला ताब्यात घेतले आहे. तसेच, हल्ल्यात वापरलेला चाकू जप्त केला आहे. या प्रकरणाचा अधिक तपास सुरू आहे. (Teacher Attack)
