Pune News : विश्रांतवाडी परिसरात पीठ मागण्यासाठी शेजाऱ्याच्या घरी गेलेल्या १२ वर्षीय अल्पवयीन मुलीवर ५२ वर्षीय शेजाऱ्याने लैंगिक अत्याचार केल्याचा धक्कादायक प्रकार समोर आला आहे. हा प्रकार कोणाला सांगितल्यास गंभीर परिणाम होतील, अशी धमकी आरोपीने मुलीला दिल्याचा आरोप आहे. (Pune News)

घाबरलेल्या मुलीने आईला प्रकार सांगितल्यानंतर पोलिसांत तक्रार दाखल करण्यात आली. त्यानंतर विश्रांतवाडी पोलिसांनी आरोपीला अटक केली असून, न्यायालयाने त्याची कारागृहात रवानगी केली. (Pune News)

जयसिंग साठे (वय ५२) असे अटक केलेल्या आरोपीचे नाव आहे. याप्रकरणी पीडित मुलीच्या आईने फिर्याद दिली आहे. त्यानुसार साठे याच्याविरुद्ध बालकांचे लैंगिक अत्याचारापासून संरक्षण (पॉक्सो) कायद्यानुसार गुन्हा दाखल करण्यात आला आहे. (Pune News)

पोलिसांनी दिलेल्या माहितीनुसार, पीडित मुलगी कुटुंबासह विश्रांतवाडी परिसरात राहते. तिच्या घरापासून काही अंतरावर आरोपी साठे याचे घर आहे. साठे हा पुणे महापालिकेत कंत्राटी पद्धतीने सफाई कर्मचारी म्हणून काम करतो. १२ सप्टेंबर रोजी घरातील पीठ संपल्याने मुलगी शेजारी राहणाऱ्या साठे याच्या घरी पीठ मागण्यासाठी गेली होती. (Pune News)

त्यावेळी साठे याने मुलीला जबरदस्तीने घरात ओढून तिच्याशी अश्लील चाळे केले आणि तिच्यावर लैंगिक अत्याचार केल्याचा आरोप आहे. तसेच घडलेला प्रकार घरातील कोणालाही सांगितल्यास तिच्या वडिलांना खोटे सांगून मोठे भांडण लावून देण्याची धमकी आरोपीने दिल्याचे फिर्यादीत नमूद आहे. (Pune News)

या घटनेनंतर घाबरलेल्या मुलीने काही दिवसांनी आईला प्रकार सांगितला. त्यानंतर आईने २२ सप्टेंबर रोजी विश्रांतवाडी पोलिस ठाण्यात धाव घेत तक्रार दिली. पोलिसांनी गुन्हा दाखल करून तपास सुरू केला आणि साठे याला अटक केली. त्याला न्यायालयात हजर केले असता न्यायालयाने त्याची कारागृहात रवानगी करण्याचे आदेश दिले. (Pune News)

दरम्यान, अल्पवयीन मुलीवरील अत्याचाराच्या घटनेने परिसरातील नागरिकांमध्ये संतापाचे वातावरण निर्माण झाले. आरोपीवर तातडीने कारवाई करण्याची मागणी करत नागरिकांनी आंदोलन केले. या आंदोलनादरम्यान सुमारे दीड ते दोन तास बीआरटी मार्ग रोखून धरण्यात आल्याने या मार्गावरील वाहतूक विस्कळीत झाली. (Pune News)

Pune News : आमदार रोहित पवार यांच्या आंदोलनाला पोलिसांची परवानगी; २ ऑक्टोबरपासून पुण्यात एस. एम. जोशी पुलावर उपोषण

Crime News : धक्कादायक..! १९ वर्षीय तरुणीवर सामूहिक अत्याचार; ५ आरोपी पोलिसांच्या ताब्यात