Milkipur By Election 2025: उत्तर प्रदेशच्या राजकारणात अयोध्येतील मिल्कीपूर विधानसभा मतदारसंघाच्या निवडणुकीने मोठे राजकीय संकेत दिले आहेत. ही जागा भाजप आणि सपासाठी प्रतिष्ठेचा प्रश्न तर होतीच, पण राज्याच्या आगामी राजकीय रणनीतीच्या दृष्टीनेही अत्यंत महत्त्वाची मानली जात होती. येथे दणदणीत विजय मिळवून भाजपने सपाला मोठा धक्का दिला आहे.

या निवडणूक लढतीदरम्यान, मुख्यमंत्री योगी आदित्यनाथ यांच्या काही धारदार आणि प्रभावशाली विधानांनी सपाच्या प्रचाराला कमकुवत करण्यात महत्त्वाची भूमिका बजावली. जाणून घेऊया ती 5 मोठी विधाने, ज्यांनी भाजपचा मार्ग सोपा केला आणि सपाला पराभवाकडे ढकलले.

61 हजार मतांनी भाजप उमेदवार विजयी –

मिल्कीपूर येथील भाजपचे उमेदवार चंद्रभानू पासवान हे 61 हजारांहून अधिक मतांनी विजयी झाले आहेत. त्यांनी सपाचे उमेदवार अजित प्रसाद यांचा पराभव केला आहे.

यह वही समाजवादी पार्टी है…

जिन्होंने सरयू मैया को कारसेवकों के खून से लाल कर दिया था… pic.twitter.com/BjFc7GuN31

— Yogi Adityanath (@myogiadityanath) January 24, 2025

CM योगींची 5 विधाने जी सपाला भारी पडली –

सनातन धर्मविरोधी असल्याचा आरोप :
मुख्यमंत्री योगी यांनी ‘सपा’वर सनातन धर्माच्या विरोधात असल्याचा आरोप केला. ते म्हणाले, “समाजवादी पक्षाचा अयोध्येतील राम मंदिर, काशीतील काशी विश्वनाथ, संत रविदासांच्या पवित्र जन्मस्थानाचे सुशोभीकरण, अयोध्या आंतरराष्ट्रीय विमानतळाचे महर्षी वाल्मिकींच्या नावावरून नामकरण याला विरोध आहे. हा तोच समाजवादी पक्ष आहे, ज्याचे हात कारसेवकांच्या रक्ताने माखलेले आहेत.”

महाकुंभाबद्दल सपाची नकारात्मकता :
महाकुंभच्या भव्यतेने ‘सपा’वर चिडल्याचा आरोप सीएम योगींनी केला आणि म्हणाले, “जेव्हा संपूर्ण जग महाकुंभची भव्यता पाहत आहे आणि भारताच्या या गौरवशाली कार्यक्रमाने भारावून जात आहे, तेव्हा सपाला त्याचा त्रास होत आहे.”

सपाची गुन्हेगारी घटकांशी जवळीक:
मुख्यमंत्री योगी आपल्या भाषणात म्हणाले, “सपाला गाझी आणि पाजी आवडतात. हा पक्ष तेव्हाच अश्रू ढाळतो जेव्हा एखादा माफिया मरतो.”

सपाच्या प्राधान्यक्रमांवर प्रश्नः
मुख्यमंत्री योगी म्हणाले, “सपाच्या राजवटीत कोणताही सण आला की दंगली सुरू व्हायची. मुलगी रस्त्यावर जाऊ शकत नव्हती. मोईन खानला डोक्यावर ठेवणारे हे लोक त्यांच्या मुलीच्या सुरक्षेसाठी धोकादायक आहेत.”

सपाची विकासविरोधी विचारसरणी :
मुख्यमंत्री योगी म्हणाले, “समाजवादी पक्ष विकास आणि लोककल्याणविरोधी आहे. “त्यांचे राजकारण केवळ दास्यतेपुरतेच मर्यादित आहे आणि सत्तेवर येताच ते आपल्या कुटुंबाला लाभ देतात.”