Milk Price Hike : सर्वसामान्यांच्या खिशाला महागाईचा आणखी एक फटका बसणार आहे. मदर डेअरीनंतर आता अमूलनेही दुधाच्या दरात वाढ करण्याचा निर्णय घेतल्याची माहिती समोर आली आहे. या दरवाढीमुळे दररोज दूध खरेदी करणाऱ्या ग्राहकांचे मासिक बजेट वाढण्याची शक्यता आहे. दिलेल्या माहितीनुसार, नवीन दर १२ नोव्हेंबर २०२६ पासून लागू होणार आहेत. (Milk Price Hike)

अमूल गोल्ड आणि ताजाच्या दरात किती वाढ?

अमूल गोल्ड दुधाच्या दरात प्रति लिटर ४ रुपयांची वाढ करण्यात आली असून, त्याचा दर ७० रुपयांवरून ७४ रुपये झाला आहे. तर अमूल ताजाच्या दरात प्रति लिटर २ रुपयांची वाढ झाल्याचे सांगण्यात आले आहे. ((Milk Price Hike))

अमूल फ्रेशच्या दरातही प्रति लिटर २ रुपयांची वाढ झाल्याची माहिती आहे. या दरवाढीचा परिणाम नियमित दूध खरेदी करणाऱ्या कुटुंबांच्या खर्चावर होणार आहे. ((Milk Price Hike))

दुधाच्या दरात वाढ का?

दूध उत्पादन आणि वितरणासाठी लागणाऱ्या खर्चात वाढ झाल्यामुळे कंपन्यांनी दरवाढीचा निर्णय घेतल्याचे सांगितले जात आहे. हिरवा व सुका चारा, पशुखाद्य, पॅकेजिंग आणि मालवाहतुकीच्या खर्चात वाढ झाल्याने दूध उत्पादक तसेच डेअरी कंपन्यांवर आर्थिक दबाव निर्माण झाला आहे. ((Milk Price Hike))

मदर डेअरीनेही वाढवले होते दर

याआधी मदर डेअरीनेही आपल्या दुधाच्या दरात प्रति लिटर २ ते ४ रुपयांची वाढ केली आहे. ही वाढ १२ नोव्हेंबरपासून लागू होणार असल्याचे वृत्तात म्हटले आहे. दिल्ली-एनसीआर परिसरात मोठ्या प्रमाणावर दूध पुरवठा करणाऱ्या मदर डेअरीने लिक्विड दुधाच्या सुट्या आणि पॅकबंद प्रकारांच्या किमती वाढवल्याची माहिती आहे. (Milk Price Hike)

आता अमूलच्या दरवाढीची बातमी समोर आल्याने दूध ग्राहकांच्या खर्चात आणखी वाढ होण्याची शक्यता आहे. दररोजच्या चहा, कॉफीपासून ते घरातील इतर गरजांपर्यंत दुधाचा वापर करणाऱ्या कुटुंबांना या वाढीचा परिणाम जाणवू शकतो. (Milk Price Hike)

Milk Price Hike : कर्नाटकात 8 रुपये दुध दरवाढ जाहीर; सर्वसामान्यांना महागाईचा मोठा झटका 

Milk Price Hike : सणासुदीच्या दिवसांत महागाईचा मोठा झटका.! दुधाच्या दरात तब्बल ‘इतक्या’ रुपयांची वाढ