Milk Price Hike : कर्नाटकातील लोकप्रिय ‘नंदिनी’ दूध १ नोव्हेंबरपासून महागणार आहे. कर्नाटक सरकारने दूधाच्या दरात प्रतिलिटर ८ रुपयांची वाढ करण्यास मंजुरी दिली आहे. त्यामुळे नंदिनी टोंड मिल्कचा दर ४६ रुपयांवरून ५४ रुपये प्रतिलिटर होणार आहे.

कर्नाटक मंत्रिमंडळाच्या २९ ऑक्टोबर रोजी झालेल्या बैठकीत या दरवाढीची माहिती देण्यात आली. वाढलेल्या ८ रुपयांपैकी ७ रुपये थेट दूध उत्पादक शेतकऱ्यांना मिळणार आहेत. तर १ रुपया दूध संघांना दिला जाणार आहे.

दूध उत्पादनाचा वाढता खर्च हे दरवाढीचे प्रमुख कारण आहे. पशुखाद्य, चारा, औषधे, वाहतूक आणि पॅकिंगचा खर्च वाढला आहे. तसेच कर्नाटकातील दुष्काळामुळे चाऱ्याची कमतरता निर्माण झाली असून, त्याचा परिणाम दूध उत्पादनाच्या खर्चावर झाला आहे.

दूध संघांकडून प्रतिलिटर ८ ते १० रुपयांची वाढ करण्याची मागणी केली जात होती. सरकारच्या निर्णयामुळे राज्यातील सुमारे १० लाख शेतकरी कुटुंबांना फायदा होण्याची शक्यता आहे.

नंदिनी दूधाच्या दरात गेल्या काही वर्षांत झालेली ही पाचवी वाढ आहे. नोव्हेंबर २०२२ मध्ये ३ रुपये, नोव्हेंबर २०२३ मध्ये ३ रुपये, जून २०२४ मध्ये २ रुपये आणि मार्च २०२५ मध्ये ४ रुपयांनी दर वाढवण्यात आले होते.

दरम्यान, चालू वर्षात महाराष्ट्रात मार्च आणि ऑगस्टमध्ये मध्ये दोन्ही वेळेस प्रति लिटर 2 रुपये वाढ झाली होती. एकूण 4 रुपये प्रतिलिटर दरवाढ झालेली आहे.