Medicine – अधिक औषधे परवडणाऱ्या किंमतीत उपलब्ध व्हावीत यासाठी आवश्यक औषधे आणि वैद्यकीय उत्पादनांवरील शुल्क किंवा उपकर कमी करण्यास केंद्र सरकार तयार आहे, असे केंद्रीय वाणिज्य मंत्री पियुष गोयल यांनी सांगितले. दिल्लीतील एका कार्यक्रमात बोलताना गोयल म्हणाले की, औषध उद्योगांकडून पुढील शुल्क कपातीचा फायदा होऊ शकतो अशा विशिष्ट सूचना मिळाल्यास सरकारला आनंद होईल. गोयल यांनी उद्योगांना आश्वासन दिले की हे एक ऐकणारे सरकार आहे जे अभिप्राय, सूचना आणि कल्पना स्वीकारते आणि देशांतर्गत आरोग्य सेवा वितरण आणि वैद्यकीय मूल्य प्रवास दोन्ही मजबूत करण्यासाठी भागधारकांसोबत जवळून काम करण्यास वचनबद्ध आहे. पीयुष गोयल यांनी स्पष्ट केले की, वैद्यकीय आणि जीवन विम्यावरील जीएसटी दर १८ टक्क्यांवरून शून्य टक्क्यांपर्यंत कमी केल्याने आणि वैद्यकीय उपकरणे, कर्करोणावरील औषधे आणि अनेक आवश्यक औषधांवरील शुल्क कमी केल्याने भारतातील आरोग्य सेवा क्षेत्राला फायदा झाला आहे. त्यामुळे नागरिकांसाठी उपचार अधिक सुलभ आणि परवडणारे झाले आहेत. भारताचे आरोग्य सेवा मॉडेल समावेशक आणि न्याय्य असले पाहिजे. आपण अशी व्यवस्था स्वीकारू शकत नाही जी स्थानिक नागरिकांना दर्जेदार आरोग्यसेवेपासून वंचित ठेवते आणि केवळ आंतरराष्ट्रीय वैद्यकीय पर्यटनावर लक्ष केंद्रित करते. ई-व्हिसा सुविधांबाबतच्या सूचनांचे स्वागत : पियुष गोयल यांनी वैद्यकीय पर्यटकांसाठी व्हिसा-ऑन-अरायव्हल आणि ई-व्हिसा सुविधांबाबतच्या सूचनांचे स्वागत केले. भारत आधीच अनेक देशांना अशा सुविधा प्रदान करतो आहे. आयुष्मान भारत कार्यक्रमात किंवा वंचितांना फायदा पोहोचवणाऱ्या सीएसआर उपक्रमांमध्ये महसूलाचा काही भाग योगदान देताना रुग्णालये १० टक्के परदेशी रुग्णांना परवानगी देण्याचा विचार करू शकतात असे त्यांनी सुचवले.
