Jamkhed News : पुण्यातील कोथरूड पोलीस ठाण्यात दाखल असलेल्या एका गुन्ह्यात आमदार रोहित पवार यांचे जामखेड येथील समर्थक सागर सुभाष गवसणे उर्फ मराठा याच्यावर करण्यात आलेल्या ‘मोक्का’ (MCOCA) कारवाईला विशेष न्यायालयाने मोठा झटका दिला आहे. (Jamkhed News)

आरोपीविरुद्ध कोणताही ठोस किंवा प्राथमिक पुरावा नसतानाही अत्यंत घाईघाईने ही कठोर कारवाई करण्यात आल्याचा दावा बचाव पक्षाने केला होता. या कारवाईमुळे सागर गवसणे याला गेल्या सुमारे पाच महिन्यांपासून कारागृहात राहावे लागले होते. (Jamkhed News)

​दरम्यान, या प्रकरणात पोलीस तपासातील अत्यंत गंभीर कायदेशीर त्रुटी समोर आली. कायद्यानुसार निश्चित केलेल्या कायदेशीर मुदतीत तसेच वाढीव कालावधीतही तपास यंत्रणेला आरोपीविरुद्ध न्यायालयात दोषारोपपत्र दाखल करता आले नाही. (Jamkhed News)

विशेष म्हणजे, खुद्द तपास अधिकाऱ्याने न्यायालयात सादर केलेल्या निवेदनावरूनही आरोपीविरुद्ध चार्जशीट दाखल करण्यासाठी कोणताही प्राथमिक पुरावा उपलब्ध नसल्याचे उघड झाले. पोलिसांचे हे अपयश आणि आरोपीचा कायदेशीर हक्क लक्षात आणून देत बचाव पक्षाने ‘डिफॉल्ट जामीन’ मिळण्यासाठी न्यायालयात जोरदार युक्तिवाद केला. (Jamkhed News)

​मा. विशेष मोक्का न्यायालय, पुणे येथील विशेष न्यायाधीश सुचेता एम. टाकळीकर यांनी दोन्ही बाजूंचा युक्तिवाद आणि कागदपत्रे तपासून बचाव पक्षाचा युक्तिवाद पूर्णपणे ग्राह्य धरला. नियमाप्रमाणे निर्धारित वेळेत दोषारोपपत्र दाखल न झाल्यामुळे आरोपीला जामीन मिळण्याचा ‘अबाधित वैधानिक अधिकार’ प्राप्त होतो, हे स्पष्ट करत न्यायालयाने सागर गवसणे उर्फ मराठा याचा जामीन अर्ज मंजूर केला. (Jamkhed News)

​या महत्त्वाच्या कायदेशीर लढाईत आरोपीच्या वतीने नामांकित वकिलांच्या पथकाने प्रभावीपणे बाजू मांडून पोलिसांचा दावा मोडून काढला. यामध्ये ॲड. निखिल कांबळे (मुंबई), ॲड. नकुल लोणकर, ॲड. सुनील कडूसकर, ॲड. ओंकार नाणेकर, ॲड. रविराज धनावडे, ॲड. गौतम तुपिरे, ॲड. प्रसाद पठारे आणि ॲड. संकेत पोटावळे यांनी काम पाहिले. (Jamkhed News)

Jamkhed News : जामखेड तालुक्यात ‘दादांची प्रतिमा’ अभियानाला अभूतपूर्व प्रतिसाद

Jamkhed News : ऐतिहासिक निर्णय! खर्डा ग्रामपंचायतीच्या विभाजनाची अधिकृत अधिसूचना जारी; सभापती राम शिंदे यांच्या पाठपुराव्याला मोठे यश