Maruti Suzuki Baleno Facelift : मारुतीची नवी ‘Baleno’ लाँच! कमी किंमतीत मिळणार ‘हे’ भन्नाट फीचर्स; जाणून घ्या संपूर्ण माहिती
Maruti Suzuki Baleno Facelift : नवीन बलेनो एकूण ७ आकर्षक रंगांमध्ये उपलब्ध असणार आहे.
Maruti Suzuki Baleno Facelift : मारुती सुझुकीने भारतीय बाजारात लोकप्रिय प्रीमियम हॅचबॅक बलेनो फेसलिफ्ट लाँच केली आहे. नव्या बलेनोची सुरुवातीची एक्स-शोरूम किंमत ६.१० लाख रुपये ठेवण्यात आली आहे. या अपडेटेड मॉडेलमध्ये कंपनीने कारच्या डिझाइनमध्ये काही किरकोळ बदल करण्यासोबतच नवीन फीचर्स आणि नवीन पेट्रोल इंजिनचा समावेश केला आहे.
सुरक्षिततेच्या बाबतीत ६ एअरबॅग्स, ESP, ABS सह EBD, हिल होल्ड कंट्रोल (Hill Hold Control) आणि टायर प्रेशर मॉनिटरिंग सिस्टम (TPMS) यांसारखे फीचर्स देण्यात आले आहेत. नवीन बलेनो एकूण ७ आकर्षक रंगांमध्ये उपलब्ध असणार आहे.
नवीन १.२-लिटर पेट्रोल इंजिन
नव्या बलेनोमधील सर्वात मोठा बदल तिच्या इंजिनमध्ये करण्यात आला आहे. कारमध्ये आता १.२-लिटर Z-Series ३-सिलेंडर पेट्रोल इंजिन देण्यात आले आहे. हेच इंजिन कंपनीच्या स्विफ्ट आणि डिझायरमध्येही वापरले जाते.
हे इंजिन ५-स्पीड मॅन्युअल आणि AMT गिअरबॉक्सच्या पर्यायांसह उपलब्ध आहे. याशिवाय, फॅक्टरी-फिट CNG किटचा पर्यायही मिळतो. विशेष म्हणजे, बलेनोमध्ये पहिल्यांदाच CNG सोबत AMT गिअरबॉक्सचा पर्याय उपलब्ध करून देण्यात आला आहे.
maruti suzuki baleno facelift 2026
डिझाइनमध्ये किरकोळ बदल
नव्या बलेनोच्या बाह्य डिझाइनमध्ये फार मोठे बदल करण्यात आलेले नाहीत. मात्र, कारमध्ये आता काळ्या रंगाच्या आडव्या स्लॅट्स असलेली मोठी फ्रंट ग्रिल देण्यात आली आहे. हेडलॅम्प्स आणि टेल-लॅम्प्समध्ये मात्र कोणताही बदल करण्यात आलेला नाही.
नवीन फॉग लॅम्प हाउसिंगसह बंपरच्या डिझाइनमध्ये काही बदल करण्यात आले आहेत. तसेच १६-इंच अलॉय व्हील्सना नवीन डिझाइन देण्यात आले असून, कारमध्ये शार्क फिन अँटेना देखील मिळतो.
कारच्या आकारमानात कोणताही बदल झालेला नाही. बलेनोची लांबी ३,९९० मिमी, तर व्हीलबेस २,५२० मिमी इतकाच आहे. रंगांच्या पर्यायांमध्ये कंपनीने Enigmatic Teal या नव्या रंगाचा समावेश केला आहे.
कॅबिनमध्ये नवीन फीचर्सची भर
कारच्या इंटिरियरमध्ये मोठे बदल करण्यात आलेले नाहीत. पूर्वीप्रमाणेच यात ९-इंच टचस्क्रीन इन्फोटेनमेंट सिस्टम आणि सेमी-डिजिटल इन्स्ट्रुमेंट क्लस्टर देण्यात आला आहे. मात्र, नव्या बलेनोमध्ये काही महत्त्वाची नवीन फीचर्स जोडण्यात आली आहेत. यामध्ये व्हेंटिलेटेड फ्रंट सीट्स, टायर प्रेशर मॉनिटरिंग सिस्टम आणि Level 2 ADAS आधारित सुरक्षा फीचर्स यांचा समावेश आहे. याशिवाय जुन्या मॉडेलमधील हाइट-अॅडजस्टेबल ड्रायव्हर सीट, वायरलेस चार्जर, हेड-अप डिस्प्ले, ऑटोमॅटिक क्लायमेट कंट्रोल आणि ३६०-डिग्री कॅमेरा यांसारखी फीचर्सही कायम ठेवण्यात आली आहेत.
कोणत्या कारशी होणार स्पर्धा?
नवीन अपडेट्ससह मारुती सुझुकी बलेनो प्रीमियम हॅचबॅक सेगमेंटमधील आपली पकड कायम ठेवण्याचा प्रयत्न करणार आहे. भारतीय बाजारात बलेनोची मुख्य स्पर्धा टाटा अल्ट्रोज आणि ह्युंदाई i20 या कारशी होणार आहे.
असे असणार मायलेज
मॅन्युअल व्हर्जन : 23.80 km/l मायलेज
ऑटोमॅटिक व्हर्जन : 24.77 km/l मायलेज
सीएनजी व्हर्जन : 33.61 km/kg मायलेज
Maruti Baleno Facelift ची सुरुवातीची एक्स-शोरूम किंमत ६.०९ लाखांपासून सुरुवात होणार आहे. कारची बुकिंग ११ हजार भरून सुरू करण्यात आली आहे. नवीन इंजिन आणि अनेक सेफ्टी फीचर्स यामुळे अपडेटेड Baleno कार ग्राहकांना आकर्षित करणार असल्याचे बोलले जात आहे.
Prataprao Jadhav: पावसाने ओढ दिली, पिकांनी टाकल्या माना ; प्रतापराव जाधव थेट शेतकऱ्यांच्या बांधावर
