बीड – मुलीचा धर्म लपवून व तिचा यापूर्वी एक विवाह‎ झालेला असल्याची माहिती लपवून एका‎ एजंटाने आपल्या सहकाऱ्यांच्या मदतीने, 3 ‎लाख रुपये घेवून पाटोदा तालुक्यातील एका‎ तरुणाशी या मुलीचा विवाह लावून दिला.

मात्र,‎ 15 दिवसानंतर बहिणीच्या घरी जाते म्हणून या‎ नवविवाहितेने पोबारा केला. या प्रकरणी 4‎ जणांविरोधात गुन्हा नोंद झाला आहे.‎ पाटोदा तालुक्यातील एक 27 वर्षीय तरुण ‎अल्पशिक्षीत असल्याने त्याचा विवाह होत ‎नव्हता.

14 नोव्हेंबर रोजी अमोल हा मुलगी ‎काजल सागर पाटील (रा. गांधीनगर,‎कोल्हापूर) हिला घेऊन आला. तिच्या सोबत ‎बहिण सारिका चव्हाण (रा. सांगली) आणि‎ पल्लवी (रा. गांधीनगर, कोल्हापूर) याही ‎आल्या होत्या. त्याच दिवशी मुलगी पसंत‎ पडल्याचे सांगून लग्नही पार पडले.

त्यानंतर ‎पंधरा दिवसांनी सारिका चव्हाण हिने माझ्या घरी‎कार्यक्रम असल्याने बहिणीला पाठवा असे‎ सांगितल्याने तिला सांगलीला पाठवले. मात्र 15 ‎दिवस उलटूनही ती परत आली नाही. तिने ‎फोनही घेतला नाही. सारिका हिला विश्वासात‎ घेऊन विचारणा केली असता.

काजलचे मुळ‎ नाव करिष्मा हसन सय्यद असल्याचे सांगून तिने ‎सागर पाटील या व्यक्तीशी काही वर्षांपूर्वी विवाह‎ केला हाेता. आता ते सोबत रहात नाहीत असे ‎सांगितले. फसवणूक झाल्याचे कळताच‎ तरुणाने पोलिस ठाण्यात धाव घेत तक्रार दिली.‎