Ahaan Panday : अभिनेता अहान पांडेने मोहित सूरी यांच्या ‘सैयारा’ या चित्रपटातून बॉलिवूडमध्ये पदार्पण केले होते. यातील त्याच्या भूमिकेला प्रेक्षकांचा प्रचंड प्रतिसाद मिळाला. यानंतर चाहते त्याच्या पुढच्या चित्रपटाबद्दल खूप उत्सुक होते. आता त्याच्या पुढच्या चित्रपटाची घोषणा करण्यात आली आहे. या चित्रपटाचे नाव ‘बेपरवाह: फियरलेस इन लव्ह’ असे आहे.

या नव्या चित्रपटात अहान पांडे मुख्यभूमिकेत दिसणार असून मराठमोळी अभिनेत्री शर्वरी वाघ त्याच्यासोबत स्क्रीन शेअर करणार आहे. अहान-शर्वरीची प्रमुख भूमिका असलेल्या या रोमँटिक ॲक्शन-ड्रामा चित्रपटाचे दिग्दर्शन अली अब्बास जफर करत आहेत, तर आदित्य चोप्रा या चित्रपटाचे निर्माते आहेत.

 

View this post on Instagram

 

पोस्टर जारी
या चित्रपटाचा पोस्टरही जारी करण्यात आला आहे. पोस्टरमध्ये अहान आणि शर्वरी यांचे चेहरे दिसत नाहीत, पण त्यांच्या पात्रांची झलक पाहायला मिळते आहे. लेदर जॅकेट घातलेल्या अहानच्या हातात बंदूक आहे, त्याच्या हातावर रक्त लागलेले आहे आणि चेहऱ्यावर जखमांच्या खुणा आहेत. त्याने आपले डोके शरवरीच्या डोक्याला टेकवले आहे. दुसरीकडे, शरवरीच्या हातात गिटार आहे, जो या चित्रपटात रोमान्स आणि ॲक्शन पाहायला मिळणार असल्याचे यातून स्पष्ट होत आहे.

‘बेपरवाह’ हा चित्रपट पुढील वर्षी २६ मार्च २०२७ रोजी जगभरातील चित्रपटगृहांमध्ये प्रदर्शित होणार आहे. शर्वरी वाघने याआधी यशराज फिल्मसच्या ‘बंटी और बबली २’ आणि ‘अल्फा’ चित्रपटात काम केलं आहे. या चित्रपटाच्या माध्यमातून ‘सैयारा’ फेम अहान पांडे आणि शरवरी पहिल्यांदाच एकत्र स्क्रीनवर दिसणार आहेत. अली अब्बास जफर दिग्दर्शित ‘बेपरवाह’च्या निमित्ताने ते यश राज फिल्म्समध्ये पुनरागमन करत आहेत. यापूर्वी त्यांनी या बॅनरसाठी ‘सुलतान’ आणि ‘टाइगर जिंदा है’सारखे ब्लॉकबस्टर चित्रपट बनवले आहेत.

हेही वाचा: 

Jailer 2 Box Office Collection: वयाच्या ७५ व्या वर्षीही रजनीकांत यांचा बॉक्स ऑफिसवर जलवा! ‘जेलर २’ने रचला नवा इतिहास, कमाई ४०० कोटींच्या उंबरठ्यावर