India Flag Bearer : आशियाई स्पर्धेच्या उद्घाटन सोहळ्यात मनू अन् तेजिंदर फडकवणार तिरंगा! जपानमध्ये क्रीडा महाकुंभ सुरू
India Flag Bearer : ऑलिम्पिक पदक विजेते मनू भाकर आणि तजिंदरपाल सिंग तूर हे २०२६ च्या आशियाई क्रीडा स्पर्धेच्या उद्घाटन सोहळ्यात तिरंगा ध्वज हातात घेऊन भारतीय तुकडीचे नेतृत्व करतील.
Manu Bhaker Tajinderpal Singh Toor Named India Flag Bearers Asian Games 2026 Opening Ceremony : जपानमधील आयची-नागोया येथे शनिवारपासून सुरू होणाऱ्या २०व्या आशियाई क्रीडा स्पर्धेच्या (Asian Games 2026) दिमाखदार उद्घाटन सोहळ्यासाठी भारताचे ध्वजवाहक जाहीर झाले आहेत. पॅरिस ऑलिम्पिकमधील दुहेरी कांस्यपदक विजेती नेमबाज मनू भाकर (Manu Bhaker) आणि गोळाफेकमधील दोन वेळचा सुवर्णपदक विजेता तेजिंदरपाल सिंग तूर यांच्याकडे भारतीय पथकाचे नेतृत्व करत तिरंगा फडकवण्याचा बहुमान सोपवण्यात आला आहे.
पालोमा मिझुहो स्टेडियमवर भारतीय वेळेनुसार दुपारी २:३० ते ४:३० दरम्यान हा उद्घाटन सोहळा रंगणार असून, ४ ऑक्टोबरपर्यंत चालणाऱ्या या महाकुंभात ५०० हून अधिक भारतीय खेळाडू ३७ क्रीडा प्रकारांत भारताचे प्रतिनिधित्व करतील.
मनू भाकरचा ऐतिहासिक फॉर्म; तेजिंदरपाल हॅटट्रिकच्या इराद्याने सज्ज!
स्वातंत्र्योत्तर भारतात एकाच ऑलिम्पिकमध्ये दोन पदके जिंकून मनूने इतिहास रचला होता. तिने १० मीटर एअर पिस्तूल वैयक्तिक आणि मिश्र प्रकारात पदके पटकावली होती; तसेच हांगझोऊ आशियाई स्पर्धेत २५ मीटर पिस्तूल सांघिक प्रकारात ती सुवर्णविजेती ठरली होती. दुसरीकडे, गोळाफेकपटू तेजिंदरपाल सिंग तूर या स्पर्धेत सलग तिसरे सुवर्णपदक जिंकून जेतेपदाची ऐतिहासिक हॅटट्रिक करण्याच्या इराद्याने मैदानात उतरणार आहे.
STORY | Manu Bhaker, Toor named India’s flag-bearers for Asiad opening
Double Olympic medal-winning shooter Manu Bhaker and defending shot put champion Tajinderpal Singh Toor were on Friday named as India’s flag-bearers for Asian Games opening ceremony here.
The ceremony is… pic.twitter.com/0I8jBOdGPS
— Press Trust of India (@PTI_News) September 18, 2026
जपान तिसऱ्यांदा यजमान; भारताचे १०७ पदकांचा रेकॉर्ड मोडण्याचे लक्ष्य!
टोकियो (१९५८) आणि हिरोशिमा (१९९४) नंतर जपान तिसऱ्यांदा या स्पर्धेचे यजमानपद भूषवत आहे. यंदाच्या स्पर्धेत ४५ देशांचे खेळाडू ४३ खेळांमध्ये भिडतील. भारताने गत हांगझोऊ स्पर्धेत २८ सुवर्ण, ३८ रौप्य आणि ४१ कांस्य अशी विक्रमी १०७ पदके जिंकली होती. या ऐतिहासिक कामगिरीला मागे टाकत पदकांची नवी शिखरे सर करण्याचा भारतीय चमूचा निर्धार आहे.
सिंधू, मीराबाईसह स्टार खेळाडू मैदानात; हॉकी-क्रिकेटवर जेतेपद राखण्याचे आव्हान!
भारताचे पुरुष व महिला क्रिकेट संघ, कबड्डी संघ आणि पुरुष हॉकी संघ गतविजेता म्हणून मैदानात उतरतील. पथकात पीव्ही सिंधू, मीराबाई चानू, अमन सेहरावत आणि लवलीना बोरगोहेन यांसारखे स्टार खेळाडू आहेत. ॲथलेटिक्समध्ये ७५ हून अधिक खेळाडू पदकांसाठी भिडतील.
