Manoj Jarange : मराठा आरक्षणाच्या मागणीसाठी गेल्या काही वर्षांपासून आंदोलन करणारे मनोज जरांगे पाटील सध्या पश्चिम महाराष्ट्राच्या दौऱ्यावर आहेत. धाराशिव, सोलापूरनंतर त्यांनी आता पश्चिम महाराष्ट्रात दौरा सुरू केला आहे. (Manoj Jarange)

मात्र, या दौऱ्यात त्यांच्या आंदोलनापेक्षा दोन कोटी रुपयांची असल्याचे सांगितले जात असलेली डिफेंडर गाडी चर्चेचा विषय ठरली आहे. ही आलिशान गाडी नेमकी कुणाची, असा सवाल उपस्थित होत असताना मनोज जरांगे यांनी स्वतःच याबाबत स्पष्टीकरण दिले आहे. (Manoj Jarange)

मनोज जरांगे पाटील यांनी मराठा समाजाला कुणबी प्रमाणपत्र मिळवून देण्यासाठी सातारा, औंध आणि कोल्हापूर संस्थान गॅझेट लागू करण्याची मागणी केली आहे. तसेच मागील वर्षभरात कुणबी प्रमाणपत्र मिळालेल्यांना जात वैधता प्रमाणपत्र मिळताना अडचणी येत असल्याचा मुद्दाही त्यांनी उपस्थित केला आहे. (Manoj Jarange)

सरकारने आपल्या मागण्यांवर सकारात्मक निर्णय न घेतल्यास पुन्हा आमरण उपोषण करण्याचा इशारा देत जरांगे पाटील यांनी महाराष्ट्र दौरा सुरू केला आहे. याच दौऱ्यात ते एका आलिशान डिफेंडरमधून प्रवास करताना दिसल्याने सोशल मीडिया आणि राजकीय वर्तुळात या गाडीची चर्चा सुरू झाली. (Manoj Jarange)

डिफेंडर कुणाची? जरांगेंनी सांगितलं…

डिफेंडर गाडीबाबत विचारण्यात आले असता मनोज जरांगे यांनी स्पष्ट केले की, ही गाडी त्यांची स्वतःची नाही. ते म्हणाले, “माझ्याजवळ एक रुपया नाही. माझ्याजवळ कोणतीही गाडी नाही. मी कोणत्याही गाडीत बसतो. इंडिकात बसतो, टेम्पोत बसतो, एसटीत बसतो, प्रचाराच्या गाडीतही बसतो आणि आत्ताच्या मोठ्या गाडीतही बसतो.” (Manoj Jarange)

पुढे त्यांनी सांगितले की, तेली नावाच्या एका कार्यकर्त्याची ही गाडी आहे. आपल्या बैठकीच्या ठिकाणी हा कार्यकर्ता आला आणि त्याने गाडी देऊ केली. “मला देवाने भरपूर दिले आहे. ही गाडी माझी आहे, ती तुम्हाला फिरण्यासाठी राहू द्या,” असे त्या कार्यकर्त्याने सांगितल्याचे जरांगे यांनी स्पष्ट केले. (Manoj Jarange)

‘गाडी दिल्यावर आता त्याला कळेल…’

आपल्या दौऱ्यादरम्यान समर्थक गाडीवर उड्या मारत असल्याचे सांगत जरांगे यांनी मिश्किल टिप्पणीही केली. ते म्हणाले की, गाडीवर लोकांनी उड्या मारल्याने तिचे काहीसे नुकसान झाले आहे. “आता त्याला कळेल मला गाडी दिल्यावर काय होते,” असे ते मिश्किलपणे म्हणाले. (Manoj Jarange)

‘समाजाचे काम करतो म्हणून लोक गाडी देतात’

मनोज जरांगे यांनी यावेळी मराठा समाजातील आर्थिकदृष्ट्या सक्षम लोकांकडून मिळणाऱ्या मदतीचाही उल्लेख केला. प्रत्येक समाजात श्रीमंत लोक असतात, तसे मराठा समाजातही आहेत. समाजाचे काम करत असल्याने काही लोक आपल्याला प्रवासासाठी गाडी उपलब्ध करून देतात, असे त्यांनी सांगितले. (Manoj Jarange)

दरम्यान, मराठा आरक्षणाच्या प्रश्नावर सरकारसोबत सुरू असलेल्या संघर्षाच्या पार्श्वभूमीवर जरांगे पाटील यांचा पश्चिम महाराष्ट्र दौरा महत्त्वाचा मानला जात आहे. आरक्षणाच्या मागणीवर सरकार काय भूमिका घेणार आणि जरांगेंच्या पुढील आंदोलनाची दिशा काय असेल, याकडे आता सर्वांचे लक्ष लागले आहे. (Manoj Jarange)

Manoj Jarange: मनोज जरांगे यांच्या ताफ्यातील वाहनांचा अपघात; कार्यकर्ता जखमी

Manoj Jarange : मोठी बातमी..! मनोज जरांगेंच्या आंदोलनाला भाजपच्या ‘या’ बड्या नेत्याचे पाठबळ? बड्या नेत्याच्या आरोपाने खळबळ