Maharashtra Politics : सातारा जिल्हा मध्यवर्ती सहकारी बँकेच्या निवडणुकीच्या पार्श्वभूमीवर जिल्ह्यातील राजकीय घडामोडींना वेग आला आहे. माण-खटाव विधानसभा मतदारसंघात महत्त्वाची राजकीय घडामोड घडली असून, जिल्हा बँकेचे संचालक आणि उद्धव ठाकरे गटाचे संपर्कप्रमुख शेखर गोरे यांनी एकनाथ शिंदे यांच्या उपस्थितीत शिवसेनेत (शिंदे गट) प्रवेश केला आहे. (Maharashtra Politics)

शेखर गोरे हे राज्याचे ग्रामविकास मंत्री आणि भाजप नेते जयकुमार गोरे यांचे बंधू आहेत. जिल्हा बँकेच्या निवडणुकीच्या तोंडावर झालेल्या या पक्षप्रवेशामुळे माण-खटावच्या राजकारणात नव्या समीकरणांची चर्चा सुरू झाली आहे. शेखर गोरे यांचा सहकार क्षेत्रातील अनुभव आणि जिल्हा बँकेतील भूमिका लक्षात घेता त्यांच्या प्रवेशाकडे राजकीय वर्तुळाचे लक्ष लागले आहे. (Maharashtra Politics)

पक्षप्रवेशावेळी एकनाथ शिंदे यांनी शेखर गोरे यांच्या निर्णयाचे स्वागत केले. शिवसेना विकासाचा अजेंडा घेऊन काम करत असल्याचे सांगत गोरे यांनी पक्षावर आणि आपल्या नेतृत्वावर दाखवलेला विश्वास सार्थ ठरवण्याची ग्वाही त्यांनी दिली. माण-खटाव भागात शिवसेनेची संघटनात्मक ताकद वाढवण्यासाठी शेखर गोरे यांची भूमिका महत्त्वाची ठरेल, असेही शिंदे यांनी नमूद केले. (Maharashtra Politics)

शेखर गोरे काय म्हणाले?

एकनाथ शिंदे यांची भेट घेतल्यानंतर लगेचच आपण आणि आपल्या सहकाऱ्यांनी शिवसेनेत प्रवेश केल्याचे शेखर गोरे यांनी सांगितले. यापूर्वी ज्या पक्षात काम केले, त्या पक्षासाठी आपण पूर्ण ताकदीने काम केले असल्याचेही त्यांनी नमूद केले. (Maharashtra Politics)

जिल्हा बँकेच्या निवडणुकीत आपल्या विरोधात अनेक पक्ष एकत्र आले असतानाही आपण संचालक म्हणून निवडून आलो होतो, असा दावा गोरे यांनी केला. आता एकनाथ शिंदे यांच्या नेतृत्वाखाली शिवसेनेत सक्रियपणे काम करणार असून, सातारा जिल्ह्यात पक्षसंघटना वाढवण्यासाठी प्रयत्न करण्याचे आश्वासन त्यांनी दिले. (Maharashtra Politics)

जिल्हा बँक निवडणुकीच्या पार्श्वभूमीवर प्रवेश

सातारा जिल्हा मध्यवर्ती सहकारी बँकेची निवडणूक जवळ आली असताना शेखर गोरे यांचा शिंदे गटातील प्रवेश झाला आहे. या निवडणुकीसाठी महायुतीच्या माध्यमातून एकत्र लढण्याबाबतही जिल्ह्यात चर्चा सुरू आहे. (Maharashtra Politics)

त्यामुळे शेखर गोरे यांच्या प्रवेशानंतर माण-खटावसह सातारा जिल्ह्यातील राजकीय आणि सहकार क्षेत्रातील समीकरणांमध्ये काय बदल होतात, याकडे आता लक्ष लागले आहे. (Maharashtra Politics)

Maharashtra Politics : मुंबईत निवडणूक आयोगाविरुद्ध रविवारी भव्य मोर्चा; राज ठाकरे आणि उद्धव ठाकरेंची संयुक्त घोषणा