Maharashtra Politics : राज्यात भाजपला मोठा धक्का; बड्या नेत्यानं सोडली साथ
Maharashtra Politics : कर्जत शहर भाजपचे माजी अध्यक्ष आणि माजी नगराध्यक्ष राजेश लाड यांनी अजित पवार यांच्या राष्ट्रवादी काँग्रेस पक्षात प्रवेश केला आहे.
Maharashtra Politics : रायगड जिल्ह्यात भाजपला मोठा राजकीय धक्का बसला आहे. कर्जत शहर भाजपचे माजी अध्यक्ष आणि माजी नगराध्यक्ष राजेश लाड यांनी अजित पवार यांच्या राष्ट्रवादी काँग्रेस पक्षात प्रवेश केला आहे. त्यांच्या पक्षप्रवेशामुळे कर्जत तालुक्यातील राजकीय समीकरणांवर चर्चा सुरू झाली आहे. (Maharashtra Politics)
राजेश लाड यांनी राष्ट्रवादीचे खासदार सुनील तटकरे यांच्या उपस्थितीत आणि स्थानिक नेतृत्वाच्या उपस्थितीत पक्षात प्रवेश केला. या पक्षप्रवेश सोहळ्याला माजी आमदार सुरेश लाड यांच्यासह अनेक पदाधिकारी आणि कार्यकर्ते उपस्थित होते. (Maharashtra Politics)
राजेश लाड यांनी काही दिवसांपूर्वीच भाजपच्या कर्जत शहर अध्यक्षपदाचा राजीनामा दिला होता. पक्षातील अंतर्गत गटबाजी, वरिष्ठ नेत्यांचे दुर्लक्ष आणि संघटनात्मक मतभेद यामुळे हा निर्णय घेतल्याची चर्चा राजकीय वर्तुळात होती. अखेर त्यांनी राष्ट्रवादी काँग्रेसमध्ये प्रवेश करत नव्या राजकीय वाटचालीला सुरुवात केली. (Maharashtra Politics)
Bjp News : भाजपला मोठा धक्का! धडाधड 100 कार्यकर्त्यांचे सामूहिक राजीनामे
कर्जत भाजपमध्ये गेल्या अनेक वर्षांपासून दोन गट सक्रिय असल्याचे बोलले जाते. नगरपालिका, जिल्हा परिषद आणि पंचायत समिती निवडणुकांपासून या गटांमध्ये सातत्याने संघर्ष होत असल्याची चर्चा आहे. (Maharashtra Politics)
दरम्यान, राजेश लाड यांच्या राष्ट्रवादी प्रवेशामुळे रायगडमधील स्थानिक राजकारणात नव्या चर्चांना उधाण आले असून, आगामी स्थानिक स्वराज्य संस्थांच्या निवडणुकांच्या पार्श्वभूमीवर हा पक्षप्रवेश महत्त्वाचा मानला जात आहे. (Maharashtra Politics)
दक्षिण रायगडमध्ये शिंदेसेनेने दिला मनसेला मोठा धक्का
दक्षिण रायगडमध्ये शिंदे सेनेने मनसेला मोठा धक्का दिला आहे. जिल्हा पातळीवर काम करणाऱ्या आठ प्रमुख नेत्यांसह शेकडो मनसे कार्यकर्त्यांनी आज शिंदेंच्या शिवसेनेत प्रवेश केला. मंत्री भरत गोगावले यांच्या प्रमुख उपस्थिती माणगाव येथे हा प्रवेश सोहळा पास पडला. (Maharashtra Politics)
प्रवेश करणाऱ्यांमध्ये मनसे माजी रायगड संपर्क अध्यक्ष दिलीप सांगळे, विद्यार्थी सेना रायगड जिल्हा अध्यक्ष प्रतिक रहाटे, तळा तालुका अध्यक्ष बाबू फुलारे, माथाडी अध्यक्ष राजा टेंबे या प्रमुख पदाधिकाऱ्यांचा समावेश आहे. (Maharashtra Politics)
