Parth and Jay Pawar meet Sharad Pawar : राज्यभरात गणेश विसर्जनाची धामधूम सुरू असतानाच मुंबईत महत्त्वाची राजकीय घडामोड घडली आहे. दिवंगत अजित पवार यांचे पुत्र पार्थ पवार आणि जय पवार यांनी मुंबईतील ‘सिल्वर ओक’ या निवासस्थानी ज्येष्ठ नेते शरद पवार यांची भेट घेतली. या भेटीमुळे महाराष्ट्राच्या राजकीय वर्तुळात पुन्हा एकदा चर्चांना उधाण आले आहे.

पार्थ आणि जय पवार हे दोघेही शरद पवारांच्या भेटीसाठी सिल्वर ओकवर पोहोचल्याने या भेटीमागील नेमके कारण काय, याबाबत विविध चर्चांना सुरुवात झाली आहे. मात्र, भेटीचा अधिकृत तपशील अद्याप समोर आलेला नाही. त्यामुळे बैठकीत नेमक्या कोणत्या मुद्द्यांवर चर्चा झाली, याबाबत सध्या निश्चित माहिती उपलब्ध नाही.

दरम्यान, सूत्रांच्या माहितीनुसार, पुणे जिल्हा मध्यवर्ती सहकारी बँकेसह राज्यातील इतर जिल्हा मध्यवर्ती सहकारी बँकांच्या आगामी निवडणुकांबाबत या भेटीत चर्चा होण्याची शक्यता व्यक्त केली जात आहे. त्याचबरोबर शिक्षक आणि पदवीधर मतदारसंघांच्या आगामी निवडणुकांबाबतही चर्चा होण्याची शक्यता असल्याचे सांगितले जात आहे.

महाराष्ट्र विधान परिषदेच्या शिक्षक आणि पदवीधर मतदारसंघांतील पाच जागांसाठी २३ ऑक्टोबर २०२६ रोजी मतदान होणार असल्याची माहिती समोर आली आहे. यामुळे पडद्यामागे मोठ्या राजकीय घडामोडी घडत आहेत. या पार्श्वभूमीवर पार्थ आणि जय पवार यांच्या शरद पवारांसोबतच्या भेटीला राजकीयदृष्ट्या महत्त्व प्राप्त झाले आहे. मात्र, भेटीचा नेमका अजेंडा किंवा बैठकीत झालेल्या चर्चेची अधिकृत माहिती समोर येईपर्यंत त्याबाबतच्या चर्चांना केवळ शक्यता म्हणूनच पाहावे लागणार आहे.

Mumbai Ganesh Visarjan: राजस्थान ते मुंबई! बाप्पाला निरोप देण्यासाठी भक्तांचा १०-१५ वर्षांचा प्रवास, गिरगाव चौपाटीवर विसर्जनाची परंपरा कायम