Car Accident : मुंबईतील विलेपार्ले परिसरात शिवसेना (उद्धव बाळासाहेब ठाकरे) गटाचे आमदार आणि मुंबईचे माजी महापौर सुनील प्रभू यांच्या कारचा अपघात झाल्याची घटना समोर आली आहे. त्यांच्या कारने एका पादचाऱ्याला धडक दिल्याने एक तरुण जखमी झाला आहे. जखमीवर स्थानिक रुग्णालयात उपचार सुरू असल्याची माहिती आहे. (Car Accident)

मिळालेल्या माहितीनुसार, विलेपार्ले येथील वेस्टर्न एक्स्प्रेस हायवेवरील सेंटर ब्रिजखाली हा अपघात झाला. सुनील प्रभू हे विमानतळावरून कांदिवलीच्या दिशेने जात असताना त्यांच्या कारने रस्ता ओलांडत असलेल्या पादचाऱ्याला धडक दिल्याचे सांगण्यात येत आहे. (Car Accident)

या धडकेत सुनील धुलविया नावाचा तरुण खाली पडून जखमी झाला. त्याला किरकोळ दुखापत झाल्याचे प्राथमिक माहितीत सांगण्यात येत असून, अपघातानंतर प्रत्यक्षदर्शींनी तत्काळ मदत करत त्याला उपचारासाठी रुग्णालयात दाखल केले. (Car Accident)

आमदार कारमध्येच होते; चालक चालवत होता गाडी

अपघाताच्या वेळी आमदार सुनील प्रभू हे कारमध्ये उपस्थित होते, तर त्यांचा चालक गाडी चालवत होता, अशी माहिती समोर आली आहे. घटनेची माहिती मिळताच पोलीस घटनास्थळी दाखल झाले. पोलिसांकडून जखमी पादचाऱ्याचा जबाब नोंदवण्याचे काम सुरू आहे. (Car Accident)

पोलिसांकडून पुढील तपास सुरू

अपघात नेमका कसा झाला, याचा पोलीस तपास करत आहेत. जखमी व्यक्तीचा जबाब आणि उपलब्ध पुराव्यांच्या आधारे पुढील कायदेशीर कारवाई केली जाणार असल्याची माहिती पोलिसांकडून देण्यात आली आहे. (Car Accident)

निष्काळजीपणे वाहन चालविल्याचे निष्पन्न झाल्यास संबंधित कलमांनुसार गुन्हा दाखल करण्याची प्रक्रिया केली जाऊ शकते. त्यामुळे पोलिसांच्या तपासानंतरच अपघाताची नेमकी कारणे आणि पुढील कायदेशीर कारवाई स्पष्ट होणार आहे. (Car Accident)

Arjun Bijlani car accident : टेलिव्हिजन अभिनेता अर्जुन बिजलानीच्या कारचा भीषण अपघात; ‘चुंबक’च्या प्रमोशनवरून परतताना घडली घटना

Car Accident : भीषण अपघात! भरधाव कारने १० जणांना चिरडलं; २ जणांचा जागीच मृत्यू