Lawrence Bishnoi gang : दिल्लीतील रोहिणी जिल्हा विशेष पथकाने एका मोठ्या कारवाईत लॉरेन्स बिश्नोई टोळीशी संबंधित तीन शूटरना अटक केली आहे. त्यापैकी दोघे आझमगडचे आणि एक दिल्लीचा आहे.

पोलिसांनी दिलेल्‍या माहितीनुसार, हे आरोपी शूटर्स परदेशात कार्यरत असलेल्या एका नेटवर्ककडून माहिती मिळवत होते आणि त्याआधारे हा गुन्हा घडवून आणण्याचा त्यांचा बेत होता. मात्र, रोहिणी जिल्हा पोलिसांना त्यांच्या हालचालींची माहिती मिळताच त्यांनी त्यांना पकडले.

पोलिसांचा दावा आहे की, गोळीबार करणाऱ्यांच्या हालचालींविषयी गुप्त माहिती मिळाल्यानंतर विशेष पथकाने त्यांचा मागोवा घेण्यास सुरुवात केली. त्यानंतर, निगराणी आणि तांत्रिक तपासाच्या आधारे त्या तिघांना अटक करण्यात आली.

पोलिसांनी सांगितले की, हल्लेखोरांना परदेशातील एका नेटवर्कमार्फत माहिती मिळत होती, ज्यामुळे त्यांनी हा गुन्हा केला. अटक करण्यात आलेले हल्लेखोर दिल्लीतील अनेक गुन्हेगारी घटनांच्या संदर्भात वांटेड होते. त्यांनी यापूर्वी खून आणि गोळीबाराच्या घटनांसह अनेक गुन्हेगारी कृत्ये केल्याचेही उघड झाले आहे.

दरम्‍यान, गेल्या आठवड्यात कुख्यात लॉरेन्स बिश्नोई-हरिराम (हॅरी) बॉक्सर टोळीशी संबंधित आणि एका जिम मालकाच्या हत्येप्रकरणी वॉन्टेड असलेल्या दोन कथित शूटर्सना हरियाणातील बहादूरगड येथे पोलीस चकमकीत ठार मारण्यात आले होते.