Maharashtra Weather : महाराष्ट्रात पुन्हा एकदा वादळी वाऱ्यासह पावसाची शक्यता निर्माण झाली आहे. मुंबई प्रादेशिक हवामान विभागाच्या अंदाजानुसार, पुढील काही दिवस उत्तर महाराष्ट्र, मध्य महाराष्ट्र आणि मराठवाड्यात विजांच्या कडकडाटासह पाऊस पडण्याची शक्यता आहे. काही भागांत ताशी ३० ते ४० किलोमीटर वेगाने वारे वाहण्याचा अंदाज असून, हवामान विभागाने अनेक जिल्ह्यांना यलो अलर्ट दिला आहे. (Maharashtra Weather)

९ ऑगस्टला ‘या’ जिल्ह्यांना यलो अलर्ट

रविवारी, ९ ऑगस्ट रोजी मध्य महाराष्ट्र, उत्तर महाराष्ट्र आणि मराठवाड्यातील काही जिल्ह्यांमध्ये वादळी पावसाची शक्यता आहे. जळगाव, नाशिक, अहिल्यानगर, छत्रपती संभाजीनगर, जालना, परभणी, बीड, हिंगोली, नांदेड, लातूर, धाराशिव, गोंदिया आणि नागपूर या जिल्ह्यांना यलो अलर्ट देण्यात आला आहे. या भागांत विजांच्या कडकडाटासह पाऊस आणि ताशी ३० ते ४० किमी वेगाने सोसाट्याचे वारे वाहण्याची शक्यता आहे. (Maharashtra Weather)

१० ऑगस्टला विदर्भात पावसाचा जोर

सोमवारी, १० ऑगस्ट रोजी विदर्भातील अनेक जिल्ह्यांमध्ये वादळी पावसाचा अंदाज आहे. अकोला, अमरावती, बुलढाणा, चंद्रपूर, गडचिरोली, गोंदिया, नागपूर, वर्धा, वाशिम आणि यवतमाळ या जिल्ह्यांना यलो अलर्ट जारी करण्यात आला असून विजांच्या कडकडाटासह मुसळधार पाऊस आणि जोरदार वारे वाहण्याची शक्यता हवामान विभागाने व्यक्त केली आहे. (Maharashtra Weather)

११ आणि १२ ऑगस्टला पावसाचा जोर कमी होणार

दरम्यान, ११ आणि १२ ऑगस्ट रोजी राज्यातील पावसाचा जोर काहीसा कमी होण्याची शक्यता आहे. या दोन दिवसांसाठी हवामान विभागाने कोणत्याही जिल्ह्याला यलो अलर्ट दिलेला नाही. मात्र, अनेक भागांत ढगाळ वातावरणासह हलका ते मध्यम स्वरूपाचा पाऊस पडण्याची शक्यता कायम आहे. Maharashtra Weather()

मुंबई, ठाणे आणि पुण्यासह काही भागांत ढगाळ हवामान राहण्याची शक्यता असून, तुरळक ठिकाणी हलक्या सरी बरसण्याचा अंदाज आहे. त्यामुळे पुढील दोन दिवस नागरिकांनी विशेषतः विजांचा कडकडाट आणि सोसाट्याच्या वाऱ्यादरम्यान खबरदारी घेण्याचे आवाहन करण्यात आले आहे. (Maharashtra Weather)

Maharashtra Weather : महाराष्ट्रात धो धो पाऊस कोसळणार; हवामान विभागाकडून महत्त्वाचं अपडेट

Weather Update: राज्यात मुसळधार पाऊस; नागरिकांना सतर्क राहण्याचे आवाहन