Maharashtra Weather Alert : महाराष्ट्रात गेल्या काही दिवसांपासून अनेक भागांत पावसाची हजेरी पाहायला मिळत आहे. काही ठिकाणी मुसळधार, तर काही भागांत हलका ते मध्यम पाऊस पडत आहे. आता रविवार, 16 ऑगस्ट रोजीही राज्यातील अनेक भागांत पावसाचा जोर कायम राहण्याचा अंदाज हवामान विभागाने व्यक्त केला आहे. (Maharashtra Weather Alert)

‘या’ भागांना यलो अलर्ट

भारतीय हवामान विभागाच्या अंदाजानुसार, रत्नागिरी जिल्ह्यात काही ठिकाणी मुसळधार पाऊस पडण्याची शक्यता आहे. तसेच पुणे आणि सातारा घाटमाथ्यावरही मुसळधार पावसाचा अंदाज आहे. यामुळे या भागांसाठी यलो अलर्ट जारी करण्यात आला आहे. (Maharashtra Weather Alert)

कोकणातील पालघर, ठाणे आणि मुंबईत हलका ते मध्यम पाऊस पडण्याची शक्यता आहे. रायगडमध्येही मध्यम पाऊस, तर सिंधुदुर्गात हलका ते मध्यम पाऊस अपेक्षित आहे. (Maharashtra Weather Alert)

पुणे-सातारा घाटमाथ्यावर जोरदार पावसाची शक्यता

पुणे आणि सातारा घाटमाथ्यावर काही ठिकाणी मुसळधार पाऊस पडू शकतो. कोल्हापूर घाटमाथ्यावर मध्यम पावसाचा अंदाज आहे. पुणे, सातारा आणि कोल्हापूरच्या इतर भागांत हलका पाऊस पडण्याची शक्यता आहे. सांगली आणि सोलापूरमध्येही तुरळक ठिकाणी पाऊस होऊ शकतो. (Maharashtra Weather Alert)

उत्तर महाराष्ट्रात वादळी पावसाची शक्यता

नाशिकच्या घाटमाथ्यावर हलका ते मध्यम पाऊस पडण्याचा अंदाज आहे. धुळे, नंदुरबार, जळगाव, नाशिक आणि अहिल्यानगर जिल्ह्यांत मेघगर्जनेसह हलका पाऊस आणि वादळी वाऱ्याची शक्यता आहे. मात्र या जिल्ह्यांना कोणताही अलर्ट देण्यात आलेला नाही. (Maharashtra Weather Alert)

मराठवाड्यातही पावसाची हजेरी

छत्रपती संभाजीनगरमध्ये मेघगर्जनेसह हलका पाऊस पडण्याची शक्यता आहे. जालना, परभणी, बीड, हिंगोली, नांदेड, लातूर आणि धाराशिव जिल्ह्यांतही हलक्या पावसाचा अंदाज आहे. मराठवाड्यात सध्या कोणताही अलर्ट जारी करण्यात आलेला नाही. (Maharashtra Weather Alert)

विदर्भातील ‘या’ जिल्ह्यांना यलो अलर्ट

विदर्भातील बहुतांश जिल्ह्यांमध्ये 16 ऑगस्ट रोजी कोणताही इशारा देण्यात आलेला नाही. मात्र भंडारा, गडचिरोली आणि गोंदिया येथे मेघगर्जनेसह विजांच्या कडकडाटाची शक्यता असल्याने यलो अलर्ट जारी करण्यात आला आहे. (Maharashtra Weather Alert)

दरम्यान, अकोला, अमरावती, बुलढाणा, चंद्रपूर, नागपूर, वर्धा, वाशिम आणि यवतमाळ या जिल्ह्यांसाठी कोणताही इशारा नसल्याचे हवामान विभागाने सांगितले आहे. (Maharashtra Weather Alert)

पुढील काही दिवस पाऊस कायम

एकूणच, कोकण आणि घाटमाथ्यावर पुढील काही दिवस पावसाचा जोर कायम राहण्याची शक्यता आहे. तर राज्यातील इतर भागांत हलका ते मध्यम पाऊस आणि काही ठिकाणी मेघगर्जनेसह वादळी पाऊस पडण्याचा अंदाज आहे. त्यामुळे नागरिकांनी स्थानिक हवामान विभागाच्या सूचनांकडे लक्ष देण्याचे आवाहन करण्यात येत आहे. (Maharashtra Weather Alert)

Weatherald Unique Fielding : “मी आयुष्यात असं कधीच पाहिलं नाही!”; शॉर्ट लेगवर वेदरॉल्डने नेमके काय केले? वॉर्नरही चक्रावला

Pune Weather: पुण्यात पुढचे दोन दिवस हवामान कसे राहणार? वेधशाळेने दिला महत्त्वाचा अंदाज