Weather Alert : महाराष्ट्रातील पावसाचा जोर आता काहीसा कमी होताना दिसत आहे. राज्यातील तुरळक भागांत हलका ते मध्यम पाऊस सुरू असून, पुढील ५ दिवस पावसाचा जोर तुलनेने कमी राहण्याचा अंदाज हवामान विभागाने व्यक्त केला आहे. मंगळवार, १८ ऑगस्ट रोजी राज्यातील अनेक भागांत हलक्या ते मध्यम सरी पडण्याची शक्यता आहे. काही ठिकाणी मेघगर्जनेसह पाऊस होऊ शकतो. (Weather Alert)

कोकणात मध्यम पावसाची शक्यता

ठाणे आणि रायगड जिल्ह्यांत काही ठिकाणी मध्यम पावसाचा अंदाज आहे. पालघर, रत्नागिरी आणि सिंधुदुर्गात हलका ते मध्यम पाऊस पडण्याची शक्यता आहे. मुंबईतही हलका ते मध्यम पाऊस होऊ शकतो. (Weather Alert)

पश्चिम महाराष्ट्रात घाटमाथ्यावर पावसाची शक्यता

पुणे, सातारा, कोल्हापूर आणि सांगलीच्या बहुतांश भागांत हलका पाऊस अपेक्षित आहे. मात्र पुणे, सातारा आणि कोल्हापूरच्या घाटमाथ्यावर हलका ते मध्यम पाऊस आणि मेघगर्जनेसह सरी पडण्याची शक्यता आहे. सोलापूरमध्येही मेघगर्जनेसह हलक्या पावसाचा अंदाज आहे. (Weather Alert)

उत्तर महाराष्ट्रात हलक्या सरी

धुळे, नंदुरबार, जळगाव, नाशिक आणि अहिल्यानगर जिल्ह्यांत तुरळक ठिकाणी हलका पाऊस होण्याची शक्यता आहे. घाटमाथ्याच्या भागात हलका ते मध्यम पाऊस पडू शकतो. (Weather Alert)

मराठवाड्यात मेघगर्जनेसह पाऊस

छत्रपती संभाजीनगर, जालना, परभणी, बीड, हिंगोली, नांदेड, लातूर आणि धाराशिव या जिल्ह्यांत मेघगर्जनेसह हलक्या पावसाची शक्यता आहे. जालना आणि नांदेडमध्ये काही ठिकाणी हलका ते मध्यम पाऊस पडण्याचा अंदाज आहे. (Weather Alert)

विदर्भात कोणताही अलर्ट नाही

अकोला, अमरावती, बुलढाणा, वाशिम, यवतमाळ, नागपूर, वर्धा, भंडारा, चंद्रपूर, गडचिरोली आणि गोंदिया या जिल्ह्यांसाठी १८ ऑगस्टला कोणताही इशारा देण्यात आलेला नाही. (Weather Alert)

एकंदरीत हवामानाचा अंदाज

राज्यातील काही भागांत ढगाळ वातावरण आणि तुरळक ठिकाणी मेघगर्जनेसह पाऊस राहण्याची शक्यता आहे. मात्र पुढील काही दिवस राज्यात पावसाचा जोर कमीच राहणार असून, बहुतांश ठिकाणी हलका पाऊस तर काही भागांत मध्यम सरींचा अंदाज आहे. म्हणजेच, मुसळधार पावसापासून काहीसा दिलासा मिळणार असला तरी कोकण आणि घाटमाथ्यावर पावसाच्या सरींची शक्यता कायम आहे. (Weather Alert)