Maharashtra Politics : विधान परिषदेच्या उपसभापती पदासाठी एकनाथ शिंदेंकडून ‘हे’ नाव निश्चित?
Maharashtra Politics : राज्य विधिमंडळाच्या पावसाळी अधिवेशनात विधान परिषदेच्या नव्या उपसभापतींची निवड केली जाणार आहे.
Maharashtra Politics : राज्य विधिमंडळाच्या पावसाळी अधिवेशनात विधान परिषदेच्या नव्या उपसभापतींची निवड केली जाणार आहे. विधान परिषदेचे सभापती राम शिंदे यांनी विधान परिषदेच्या उपसभापतीच्या निवडणुकीसाठी बुधवार, 1 जुलै 2026 तारीख जाहीर केली आहे. (Maharashtra Politics)
महत्त्वाचे म्हणजे नुकत्याच पार पडलेल्या विधान परिषद निवडणुकीत शिवसेनेच्या ज्येष्ठ नेत्या तथा विधान परिषदेच्या माजी उपसभापती डॉ. नीलम गोऱ्हे या बिनविरोध निवडून आल्या आहेत. त्यामुळे त्यांचीच या पदावर वर्णी लागण्याची दाट शक्यता आहे. (Maharashtra Politics)
राम शिंदे म्हणाले, महाराष्ट्र विधान परिषदेच्या उपसभापतीचे पद रिक्त आहे. महाराष्ट्र विधान परिषद नियमातील नियम 7 मधील तरतुदीस अनुसरून मी उपसभपतीच्या निवडणुकीसाठी बुधवार, 1 जुलै 2026 हा दिवस निश्चित केला आहे. (Maharashtra Politics)
महाराष्ट्र विधान परिषद नियम 6 व 7 अन्वये सदस्यांनी मांडावयाच्या प्रस्तावाची लेखी सूचना डॉ. विलास आठवले सचिव 3 महाराष्ट्र विधानमंडळ सचिवालय यांच्याकडे कक्ष क्रमांक 903, 9 वा मजला, विधानभवन मुंबई येथे मंगळवार दिनांक 30 जून 2026 रोजी दुपारी 12 वाजेपर्यंत पोहचेल अशाप्रकारे देणे आवश्यक आहे. सदस्यांनी मांडावयाचे प्रस्तावाचे नमूने टपालखात्याद्वारे सर्व सदस्यांना वितरित येत आहेत. (Maharashtra Politics)
प्राप्त झालेल्या प्रस्तावाच्या सुचनांची नामनिर्देशाची पत्रांची छाननी मंगळवार दिनांक 30 जून 2026 रोजी दुपारी 1 वाजता होईल. त्यानंतर उपसभापतींची निवडणूक बुधवार दिनांक 1 जुलै 2026 रोजी घेण्यात येईल, अशी माहिती त्यांनी दिली. (Maharashtra Politics)
Neelam Gorhe
दरम्यान, विधान परिषदेच्या माजी उपसभापती डॉ. नीलम गोऱ्हे यांची विधान परिषद सदस्यत्वाची मुदत 13 मे 2025 रोजी संपली आहे. त्यामुळे सध्या रिक्त असलेले उपसभापती पद हे पावसाळी अधिवेशनात भरले जात आहे. विधान परिषदेच्या उपसभापतीपदावर शिवसेनेचा दावा आहे. (Maharashtra Politics)
विधान परिषद सभापती, विधानसभा अध्यक्ष ही दोन्ही पदे भाजपकडे आहेत. तर विधानसभेचे उपाध्यक्ष पद राष्ट्रवादी काँग्रेसकडे आहे. त्यामुळे विधान परिषदेचे उपसभापती पद शिवसेनेकडे जाण्याचे निश्चित असून या पदासाठी डॉ. नीलम गोऱ्हे यांचे नाव आघाडीवर आहे. (Maharashtra Politics)
Maharashtra Politics : उद्धव ठाकरेंना मोठा धक्का; सामूहिक राजीनाम्यांनी राज्यात खळबळ
