Maharashtra Earthquake : जिल्ह्यातील कळंब तालुक्यातील एकलासपूर येथे आज दुपारी सुमारे तीन वाजण्याच्या सुमारास भूकंपाचा सौम्य धक्का जाणवला. या भूकंपाची तीव्रता ३.० रिश्टर स्केल नोंदवण्यात आली आहे. गावात पहिल्यांदाच भूकंपाचे हादरे जाणवल्याने नागरिकांमध्ये काही काळ भीतीचे वातावरण निर्माण झाले होते. (Maharashtra Earthquake)

मिळालेल्या माहितीनुसार, मौजा एकलासपूर येथे भूकंपाची नोंद झाली. धक्के जाणवताच काही नागरिक घराबाहेर पडले, तर परिसरात काही काळ धावपळ सुरू झाली. घरांच्या भिंती थरथरल्याचेही नागरिकांनी सांगितले. (Maharashtra Earthquake)

प्रशासन सतर्क; परिस्थितीवर लक्ष

भूकंपाची माहिती मिळताच जिल्हा प्रशासन आणि जिल्हा आपत्ती व्यवस्थापन प्राधिकरण सतर्क झाले. महसूल विभाग तसेच स्थानिक प्रशासनाकडून परिसरातील परिस्थितीची माहिती घेण्यात आली आहे. (Maharashtra Earthquake)

जीवित किंवा वित्तहानी नाही

प्रशासनाने दिलेल्या माहितीनुसार, या भूकंपामुळे जिल्ह्यात कुठेही जीवित किंवा वित्तहानी झाल्याची नोंद नाही. सौम्य धक्क्यामुळे नागरिकांमध्ये घबराट निर्माण झाली असली, तरी सुदैवाने कोणतीही मोठी दुर्घटना घडलेली नाही. प्रशासनाकडून परिस्थितीवर बारकाईने लक्ष ठेवण्यात येत आहे. (Maharashtra Earthquake)

Nagpur Earthquake : नागपूर हादरलं ! भरदुपारी 3.0 तीव्रतेचा भूकंप; नागरिकांची उडाली तारांबळ