Accident News : राज्यात पुन्हा एकदा भीषण अपघाताने हळहळ व्यक्त होत आहे. वाशिम-कनेरगाव रोडवरील देवठाणाजवळ झालेल्या भीषण अपघातात बापासह दोन चिमुकल्या मुलींचा जागीच मृत्यू झाला आहे. या अपघातात मृतांच्या आईला गंभीर दुखापत झाली असून तिच्यावर रुग्णालयात उपचार सुरू आहेत. (Accident News)

मिळालेल्या माहितीनुसार, पिकअप वाहनाच्या निष्काळजीपणामुळे मोटारसायकलला जोरदार धडक बसली. या भीषण धडकेत ज्ञानेश्वर निवृत्ती खडसे, त्यांची पाच वर्षीय मुलगी कीर्ती खडसे आणि १२ वर्षीय केतकी खडसे यांचा जागीच मृत्यू झाला. तर पत्नी गंभीर जखमी झाली आहे. (Accident News)

या हृदयद्रावक घटनेमुळे देवठाणा गावासह संपूर्ण परिसरात शोककळा पसरली आहे. अपघातानंतर घटनास्थळी नागरिकांनी मोठी गर्दी केली होती. पोलिसांनी घटनास्थळी धाव घेत पंचनामा करून पुढील तपास सुरू केला आहे. (Accident News)

दरम्यान, इचलकरंजीतही आणखी एक दुर्दैवी अपघात घडला. शाळेचा निकाल घेण्यासाठी आलेल्या रांगोळी गावातील तीन विद्यार्थ्यांच्या दुचाकीला डंपरची धडक बसली. या अपघातात गणेश कांबळे या युवकाचा मृत्यू झाला असून दोघेजण गंभीर जखमी झाले आहेत. या घटनेमुळे परिसरात हळहळ व्यक्त होत आहे. (Accident News)

तर दुसरीकडे विसरवाडी-नंदुरबार महामार्गावरील खड्ड्यांमुळे अपघातांचे प्रमाण वाढले आहे. भरडू गावाजवळ रस्त्यातील मोठ्या खड्ड्यात दुचाकी घसरल्याने दोन युवक गंभीर जखमी झाले. त्यांच्यावर ग्रामीण रुग्णालयात उपचार सुरू असून, नागरिकांनी रस्त्यांची तातडीने दुरुस्ती करण्याची मागणी केली आहे. (Accident News)