Operation Tiger 2.0 : ऑपरेशन टायगर यशस्वी झाले असून उद्धव ठाकरे यांना मोठा हादरा बसला आहे. पक्षातील सहा खासदारांनी त्यांची साथ सोडली असून ते आता शिंदे गटात प्रवेश करणार असल्याची शक्यता आहे.

आज शिवसेनेच्या 60 व्या वर्धापन दिनादिवशी याबाबतची घोषणा केली जाणार असल्याची माहिती मिळत आहे. त्यामुळे वर्धापन दिनाच्या मेळाव्यात काय घडणार याची उत्सुकता सर्वांना लागली आहे.

काल दिल्लीत झालेल्या शिवसेना (UBT) संसदीय दलाच्या बैठकीसाठी नऊ खासदारांना व्हीप जारी करण्यात आला होता. यापैकी केवळ तीनच खासदारांनी व्हीपचे पालन केल्याने इतर सहा खासदारांवर पक्षाकडून कारवाई करण्याचे संकेत देण्यात आले आहेत.

 

या सगळ्या घडामोडी खासदारांनंतर आता आमदार देखील फुटणार असल्याची चर्चा आहे. ठाकरे गटाचे १४ आमदार फुटणार असून ते शिंदे सेनेत प्रवेश करणार असल्याचा दावा आमदार संतोष बांगर यांनी केला आहे.  (Operation Tiger 2.0)

‘आगे आगे देखो होता है क्या’. तुम्ही जे बोलले ते सुद्धा झाल्याशिवाय राहणार नाही. 13 ते 14 आमदार उबाठाची साथ सोडून एकनाथ शिंदे यांच्या शिवसेनेत प्रवेश करणार असा मोठा दावा त्यांनी केला आहे.

संतोष बांगर यांच्या दाव्याने राजकीय वातावरण ढवळून निघालं आहे. तर पर्यटनमंत्री शंभूराज देसाई यांनी ठाकरे गटाच्या आमदार फुटणार असल्याचे संकेत दिले आहेत. आमदारांच्या फुटीचं संकेत दिल्याने उद्धव ठाकरे यांचं टेन्शन वाढल्याचं पाहायला मिळत आहे.

दरम्यान, राज्यात अॅापरेशन टायगरद्वारे राजकीय घडामोडींना वेग आला असून पुढील काही दिवसांत आणखी मोठे बदल घडू शकतात, असे संकेतही या वक्तव्यातून आमदार संतोष बांगर यांनी दिले आहेत. Operation Tiger 2.0

हे देखील वाचा :

Raj Thackeray-Uddhav Thackeray : त्यांना सरळ तुडवून सरळ करा.! ठाकरे बंधूंना एकत्र येण्याचे आवाहन; मुंबईत झळकले होर्डिंग