Raj Thackeray-Uddhav Thackeray – शिवसेना ठाकरे गटाच्या ६ खासदारांच्या बंडखोरीमुळे महाराष्ट्राच्या राजकारणात खळबळ उडालेली असतानाच, आता मुंबईतील एका होर्डिंगने सर्वांचे लक्ष वेधून घेतले आहे. या राजकीय वादामध्ये उद्धव ठाकरे  (Uddhav Thackeray )  यांचे बंधू आणि मनसे अध्यक्ष राज ठाकरे एकत्र येणार का, अशी चर्चा सुरू झाली आहे.

आम्ही गिरगांवकर ग्रुपने मुंबईत लावलेल्या या होर्डिंगवर राज आणि उद्धव ठाकरे यांचा मोठा फोटो असून खाली एक खुले पत्र लिहिण्यात आले आहे. अनेकजण पाठीत सुरा खुपसून गद्दारी करून गेले, तरी लाखो निष्ठावंत सोबत आहेत.

आपण दोघांनी एकत्र जाहीर सभा घेऊन तमाम मराठी माणसांना आदेश द्यावा. महाराष्ट्रासाठी आणि मराठी अस्मितेसाठी जे विरोधात असतील, त्यांना सरळ तुडवून सरळ करा, असे आवाहन या पत्रात करण्यात आले आहे.   (Raj Thackeray-Uddhav Thackeray)

दरम्यान, शिवसेना फुटीच्या या ऑपरेशन टायगरवर मनसेचे ज्येष्ठ नेते बाळा नांदगावकर यांनी तीव्र नाराजी व्यक्त केली आहे. भाजपकडून पक्ष फोडाफोडीचे जे राजकारण सुरू आहे, ते चुकीचे असून यामुळे मतदारांचा अवमान होत आहे, असा टोला त्यांनी लगावला.  (Raj Thackeray-Uddhav Thackeray)

तसेच, ठाकरे ब्रँड संपवण्याचा प्रयत्न सुरू आहे का? अशी विचारणा केली असता, ठाकरे आणि पवार कुटुंबाचे महाराष्ट्रासाठी मोठे योगदान असून लोक हे ब्रँड कधीही उद्ध्वस्त होऊ देणार नाहीत, असा विश्वास त्यांनी व्यक्त केला.  (Raj Thackeray-Uddhav Thackeray)