Maruti Suzuki Swift CNG : पेट्रोलच्या खर्चाला कंटाळलेल्यांसाठी मारुती सुझुकीने आपल्या लोकप्रिय ‘स्विफ्ट’ हॅचबॅकचा CNG अवतार भारतीय बाजारपेठेत सादर केला आहे. या लॉन्चसह, कंपनीने आपल्या लाइनअपमध्ये ग्राहकांसाठी एक शक्तिशाली पर्याय समाविष्ट केला आहे. CNG प्रकार भारतात खूप लोकप्रिय आहेत कारण ते चांगले मायलेज देतात आणि प्रदूषण देखील करत नाहीत.

हॅचबॅकमध्ये, ग्राहकांना 1.2-लिटर तीन-सिलेंडर Z12E नैसर्गिकरित्या एस्पिरेटेड पेट्रोल इंजिन दिले जाईल. हे सध्याच्या 1.2-लिटर के-सिरीज चार-सिलेंडर इंजिनपेक्षा खूप चांगले मायलेज देते.

मारुती स्विफ्ट सीएनजी लाँच :
मारुती स्विफ्ट सीएनजी आज म्हणजेच, 12 सप्टेंबर 2024 रोजी अधिकृतपणे लॉन्च करण्यात आली आहे. त्याचे नवीन जनरेशन मॉडेल फक्त 9 मे 2024 रोजी नवीन पेट्रोल इंजिनसह लॉन्च केले गेले.

इंजिन आणि पॉवर :
मारुतीने स्विफ्ट सीएनजीमध्ये फक्त झेड सीरिजचे नवीन इंजिन दिले आहे. पेट्रोल इंजिनशी तुलना केल्यास ग्राहकांना त्यात बदल दिसतील. आता हे 1.2 लीटर इंजिन सीएनजी मोडमध्ये 69.75 पीएस पॉवर आणि 101.8 न्यूटन मीटरचा टॉर्क जनरेट करण्यास सक्षम आहे. यासोबत 5 स्पीड मॅन्युअल ट्रान्समिशन उपलब्ध आहे.

वैशिष्ट्ये :
मारुती स्विफ्ट सीएनजीमध्ये ग्राहकांना पेट्रोल व्हेरियंटप्रमाणेच फीचर्स दिले जातात. यामध्ये ABS, ESP प्लस, मानक म्हणून सहा एअरबॅग्ज, हिल होल्ड असिस्ट, ऑटोमॅटिक क्लायमेट कंट्रोल, रियर एसी व्हेंट, वायरलेस चार्जर यासारख्या सुरक्षा वैशिष्ट्यांचा समावेश आहे. ग्राहकांना कारमध्ये 7 इंची इन्फोटेनमेंट सिस्टीम, सुझुकी कनेक्ट सारखे फीचर्स देण्यात आले आहेत.

किंमत :
स्विफ्ट सीएनजी भारतीय बाजारपेठेत VXI, VXI (O) आणि ZXI प्रकारांमध्ये लॉन्च करण्यात आली आहे. त्याच्या बेस व्हेरियंट VXI ची एक्स-शोरूम किंमत 819500 रुपये ठेवण्यात आली आहे आणि त्याच्या टॉप व्हेरियंटची एक्स-शोरूम किंमत 919500 रुपये आहे.