Cabinet Meeting Decisions : राज्य मंत्रिमंडळाची आज मुख्यमंत्री देवेंद्र फडणवीस यांच्या अध्यक्षतेखाली महत्त्वाची बैठक पार पडली. या बैठकीत विविध विभागांशी संबंधित चार महत्त्वाचे निर्णय घेण्यात आले. यामध्ये पुणे जिल्ह्यातील कुकडी पाटबंधारे प्रकल्पाच्या सुधारित खर्चाला मंजुरी देण्याचा निर्णय घेण्यात आला असून, याचा मोठा फायदा शेतकऱ्यांना होणार आहे. (Cabinet Meeting Decisions)

याशिवाय राज्यातून अंमली पदार्थांचे उच्चाटन करण्यासाठी व्यापक धोरण, शासकीय कार्यक्रमांमध्ये आरोग्यदायी अन्नपदार्थांचा समावेश आणि सोलापूरमधील उन्नत मार्ग प्रकल्पाला निकडीचा सार्वजनिक प्रकल्प म्हणून घोषित करण्याचा निर्णय मंत्रिमंडळाने घेतला. (Cabinet Meeting Decisions)

मंत्रिमंडळाचे 4 महत्त्वाचे निर्णय   (Cabinet Meeting Decisions)

1. 2029 पर्यंत महाराष्ट्र ‘नशामुक्त’ करण्याचा निर्धार

गृह विभागाच्या प्रस्तावाला मंजुरी देताना 2029 पर्यंत महाराष्ट्रातून अंमली पदार्थांचे समूळ उच्चाटन करण्याचे उद्दिष्ट निश्चित करण्यात आले आहे. यासाठी ‘Whole-of-Government Approach’ म्हणजेच सर्वसमावेशक शासकीय दृष्टिकोनातून धोरण राबवण्यात येणार आहे. अंमली पदार्थांविरोधातील कारवाई अधिक प्रभावी करण्यासाठी विविध शासकीय विभागांमध्ये समन्वय साधला जाणार आहे. (Cabinet Meeting Decisions)

2) सरकारी कार्यक्रमांमध्ये आरोग्यदायी अन्नाला प्राधान्य

सार्वजनिक आरोग्य विभागाशी संबंधित महत्त्वाचा निर्णयही मंत्रिमंडळ बैठकीत घेण्यात आला. शासकीय आणि निमशासकीय बैठका, विविध कार्यक्रम तसेच उपहारगृहांमध्ये आरोग्यदायी अन्नपदार्थ उपलब्ध करून देण्याच्या धोरणाला मंजुरी देण्यात आली आहे. यासाठी संतुलित आणि आरोग्यदायी मेन्यू ठेवण्यावर भर देण्यात येणार आहे. (Cabinet Meeting Decisions)

5) सोलापुरातील उन्नत मार्गाला मंजुरी

सार्वजनिक बांधकाम विभागाच्या प्रस्तावानुसार सोलापूर शहरातील जुना पुणे नाका ते बोरामणी नाका या दरम्यानच्या उन्नत मार्ग प्रकल्पाला निकडीचा सार्वजनिक प्रकल्प म्हणून घोषित करण्यात आले आहे. (Cabinet Meeting Decisions)

हा मार्ग राष्ट्रीय महामार्ग क्रमांक 65 शी संबंधित असल्याने प्रकल्पासाठी आवश्यक असलेली शासकीय जमीन भारतीय राष्ट्रीय महामार्ग प्राधिकरणाकडे (NHAI) हस्तांतरित करण्याचा मार्ग यामुळे मोकळा होणार आहे. (Cabinet Meeting Decisions)

4) शेतकऱ्यांसाठी मोठी खुशखबर; कुकडी प्रकल्पाला 5704 कोटी

जलसंपदा विभागाच्या प्रस्तावाला मंजुरी देताना पुणे जिल्ह्यातील कुकडी पाटबंधारे प्रकल्पाच्या सुधारित 5,704.50 कोटी रुपयांच्या खर्चाला राज्य मंत्रिमंडळाने मान्यता दिली आहे. (Cabinet Meeting Decisions)

या प्रकल्पामुळे तब्बल 1,44,912 हेक्टर सिंचन क्षमता निर्माण होणार असल्याने पुणे जिल्ह्यासह संबंधित भागातील शेतकऱ्यांना मोठा फायदा होण्याची अपेक्षा आहे. (Cabinet Meeting Decisions)

राज्य मंत्रिमंडळाच्या आजच्या बैठकीतील या निर्णयांमुळे शेतकरी, सामान्य नागरिक आणि विविध क्षेत्रांना दिलासा मिळण्याची शक्यता आहे. आगामी काळातही राज्याच्या विकासासाठी आणि नागरिकांच्या हितासाठी महत्त्वाचे निर्णय घेतले जाणार असल्याचे सरकारकडून सांगण्यात आले आहे. (Cabinet Meeting Decisions)