Maharashtra Assembly Election । राज्यातील आगामी विधानसभा निवडणुकीच्या पार्श्वभूमीवर मोठ्या घडामोडी घडणार असल्याचे दिसून येतंय. कारण राज्यातील राष्ट्रवादी काँग्रेस पक्षातील दोन्ही गट एकत्र येणार असल्याचे म्हटले जात आहे. त्यासाठी शरद पवार गटाचे ज्येष्ठ नेते जयंत पाटील हे अजित पवार गटाच्या आमदाराला भेटल्याने या सगळ्या चर्चा सुरु झाल्या आहेत. त्याच पार्श्वभूमीवर  जयंत पाटील यांनी केलेले विधान महत्वपूर्ण ठरत आहे.

अजित पवारांसोबतच्या युतीविषयी बोलताना जयंत पाटील म्हणाले,”अजित पवार यांच्या नेतृत्वाखालील राष्ट्रवादी काँग्रेससोबत युती करण्याचा प्रश्नच उद्भवत नाही,” तसेच पुढे बोलताना जयंत पाटील म्हणाले की, “नुकत्याच झालेल्या लोकसभा निवडणुकीत शरद पवार यांच्या नेतृत्वाखालील पक्षाला जनतेचा मोठा पाठिंबा मिळाला. त्यामुळे त्यांनी महाविकास आघाडी अंतर्गत लढलेल्या १० जागांपैकी आठ जागा जिंकल्या.”असेही त्यांनी म्हटले.

“दोघांमध्ये युतीचा प्रश्नच उद्भवत नाही” –  जयंत पाटील Maharashtra Assembly Election ।

दरम्यान, जयंत पाटील यांनी पुढे युतीविषयी बोलताना,”उपमुख्यमंत्री अजित पवार यांच्या राष्ट्रवादी काँग्रेस फक्त रायगडमधून जिंकू शकली, तर बारामती आणि शिरूरमध्ये प्रतिष्ठेची लढाई हरली. जयंत पाटील म्हणाले की, “राष्ट्रवादीची दोन पक्षांमध्ये विभागणी झाली आहे. दोघांची स्वतःची निवडणूक चिन्हे आहेत. दोघांमध्ये युतीचा प्रश्नच उद्भवत नाही.”

फडणवीसांबद्दल काय म्हणाले जयंत पाटील? Maharashtra Assembly Election ।
उपमुख्यमंत्री देवेंद्र फडणवीस यांच्यावर पक्षाचे सहकारी आणि राज्याचे माजी गृहमंत्री अनिल देशमुख यांनी केलेल्या आरोपांबाबत जयंत पाटील यांना विचारले असता, “भाजपच्या ज्येष्ठ नेत्याने अशा प्रकारच्या राजकारणात पडू नये.” असे त्यांनी म्हटले.

शिवसेना (UBT) नेते उद्धव ठाकरे आणि अनिल परब आणि अविभाजित राष्ट्रवादीचे नेते अजित पवार यांच्याविरुद्ध खोट्या प्रतिज्ञापत्रांवर स्वाक्षरी करण्यासाठी देवेंद्र फडणवीस यांनी दबाव आणण्याचा प्रयत्न केल्याचा आरोप देशमुख यांनी केला होता. अजित पवार हे काका शरद पवार यांच्याशी संपर्क साधण्याचा प्रयत्न करत आहेत, अशा घटना गेल्या काही दिवसांत समोर आल्या आहेत. छगन भुजबळ शरद पवारांना भेटायला गेल्याने या अटकळांना आणखी बळ मिळाले. त्यानंतर अजित पवार यांच्या पत्नी सुनेत्रा याही शरद पवारांच्या घरी पोहोचल्या, मात्र आता पाटील यांच्या वक्तव्यावरून पवार कुटुंब राजकीयदृष्ट्या एकसंध नसल्याचे स्पष्ट झाले आहे.

हेही वाचा
मोठी बातमी : जयंत पाटील थेट अजितदादांच्या आमदाराच्या घरी ; बंद दाराआड चर्चा