Madhuri Misal:  हडपसरसह शहरातील कचरा प्रकल्प आणि कचरा व्यवस्थापनासाठी यापुढे संबंधित भागातील वॉर्ड अधिकाऱ्यांना जबाबदार धरले जाणार, राज्याच्या नगरविकास राज्यमंत्री माधुरी मिसाळ यांनी मंगळवारी विधानसभेत माहिती दिली.

आमदार सुनील कांबळे यांनी कॅन्टोन्मेंट विधानसभा मतदारसंघ तसेच हडपसर परिसरातील कचरा डेपो आणि प्रकल्पस्थळी मोठ्या प्रमाणात दुर्गंधी येत असल्याची बाब लक्षवेधीद्वारे मांडली.

तसेच, कायमस्वरूपी स्वच्छता कर्मचाऱ्यांवर क्षेत्रीय कार्यालय आणि आरोग्य निरीक्षकांचे पुरेसे लक्ष नसल्याने नियमित कचरा उचलला जात नाही. काही कर्मचारी स्वतःच्या जागी कंत्राटी कामगारांना पैसे देऊन कामाला लावत असल्यामुळे कचरा समस्येत वाढ होत असल्याचेही त्यांनी नमूद केले.

त्यावर उत्तर देताना मिसाळ म्हणाल्या की, कचरा प्रकल्प परिसरातील दुर्गंधी कमी करण्यासाठी महापालिकेकडून प्रयत्न सुरू आहेत. तसेच, प्रकल्प आणि स्वच्छतेची जबाबदारी क्षेत्रीय कार्यालयांकडे देण्यात आली आहे.

मात्र, नागरिकांच्या मोठ्या प्रमाणावर तक्रारी येत असल्याने यापुढे कचरा समस्येसाठी संबंधित वॉर्ड अधिकाऱ्यांना जबाबदार धरले जाईल. तसेच, या संदर्भात पुढील ३० दिवसांत अहवाल सादर करण्याचे निर्देश देण्यात येणार आहेत.

हेही वाचा: 

Salman Khan : सलमान खानच्या चित्रपटाचे नाव अचानक का बदललं? दिग्दर्शकाने केला खुलासा