Yemen coast – येमेनच्या किनाऱ्याजवळ एलपीज कंटेनरला अचानक भीषण आग लागली. या कंटेनरवरील २३ भारतीय खलाशांना वाचवण्यात यश आले आहे. या सर्व भारतीय खलाशांना सुखरुप वाचवून जिबूटी तटरक्षक दलाच्या स्वाधीन करण्यात आले आहे. एमव्ही फाल्कन या जहाजावर झालेल्या स्फोटामुळे या कंटेनरला आग लागली होती. कॅमेरूनचा ध्वज असलेल्या एमव्ही फाल्कन हे तेल वाहक जहाज येमेनच्या एडनच्या आखाताच्या अग्नेयेकडील बाजूने जिबूटीच्या दिशेने जात असताना शनिवारी या जहाजावर अचानक स्फोट झाला होता. जहाजावर लिक्विड पेट्रोलियम गॅसचे कंटनर होते. जहाजाची मालकी असलेल्या उनावफोर ऍस्पाईड कंपनीने मदतीचे आवाहन केल्यानंतर लाल समुद्रात शोध, मदत आणि बचाव मोहिमेला सुरुवात करण्यात आली. एनाफोर अस्पाईडसने मदत आणि बचाव मोहिम राबववी, बचाव पथकातील एमव्ही मेडा या जहाजाने एमव्ही फाल्कन जहाजावरील २४ खलाशांची सुटका केली यामध्ये २३ भारतीय खलाशांसह युक्रेनच्या एका कर्मचाऱ्याचा समावेश आहे. एमव्ही फाल्कन जहाज नंतर पोर्ट ऑफ जिबूटी येथे ओढून नेण्यात आले. वाचवलेल्या सर्व खलाशांना तेथे जिबूटीच्या तटरक्षक दलाच्या स्वाधीन करण्यात आले. जहाजावरील एकूण २६ कर्मचाऱ्यांपैकी दोघे जण अद्यापही बेपत्ता आहेत. एमव्ही फाल्कन जहाजावर एलपीजी असल्याने स्फोट होण्याची शक्यता लक्षात घेऊन हे जहाज अन्य जहाजांपासून दूर ठेवण्यात आले आहे.
