Lovepreet Singh Wins Silver Medal Weightlifting 110kg Glasgow CWG 2026 : स्कॉटलंडमधील ग्लास्गो येथे सुरू असलेल्या राष्ट्रकुल क्रीडा स्पर्धेत (Glasgow CWG 2026) भारताचा स्टार वेटलिफ्टर लवप्रीत सिंहने (Lovepreet Singh) पुरुषांच्या ११० किलोपेक्षा अधिक वजनी गटात रौप्यपदक (Silver Medal) जिंकून ऐतिहासिक कामगिरी केली आहे. या अटीतटीच्या सामन्यात २८ वर्षीय लवप्रीतने एकूण ३८८ किलो वजन उचलून सुवर्णपदकासाठी शेवटपर्यंत कडवी झुंज दिली. मात्र, न्यूझीलंडच्या डेव्हिड अँड्र्यू लिटीने एकूण ३८९ किलो वजन उचलत अवघ्या १ किलोच्या फरकाने सुवर्णपदक पटकावले. या कामगिरीसह लवप्रीतने बर्मिंगहॅम २०२२ मधील आपल्या कांस्यपदकाचे रूपांतर रौप्यपदकात केले आहे.   (Lovepreet Weightlifting Silver)

स्नॅच राऊंडमध्ये बनवला नवा रेकॉर्ड!  (Lovepreet Weightlifting Silver)

लवप्रीतने स्नॅच राऊंडमध्ये अप्रतिम सुरुवात केली. त्याने आपले तिन्ही प्रयत्न यशस्वी करत अनुक्रमे १६८ किलो, १७३ किलो आणि तिसऱ्या प्रयत्नात १७६ किलो वजन उचलून नवा कॉमनवेल्थ गेम्स रेकॉर्ड प्रस्थापित केला. या राऊंडनंतर लवप्रीत १० किलोच्या आघाडीसह पहिल्या स्थानावर होता, तर सुवर्णपदकाचा प्रबळ दावेदार समोआचा सनेले माओ तिन्ही प्रयत्नांत अपयशी ठरून स्पर्धेतून बाहेर झाला.

India’s weightlifters just keep the medals coming! 🇮🇳🏋️

Heartiest congratulations to Lovepreet Singh on winning the Silver Medal in the Men’s 110+ kg weightlifting event at the Commonwealth Games with an impressive total lift of 388kg. 🥈

A magnificent effort that adds yet… pic.twitter.com/ub9aR9iEw1

— Ashish Sood (@ashishsood_bjp) July 30, 2026

क्लीन अँड जर्कमध्ये १ किलोने फिरवला फासा!   (Lovepreet Weightlifting Silver)

#WATCH | Glasgow, Scotland: On missing the gold just by 1kg, Indian weightlifter Lovepreet Singh says, “I missed out on the gold. Naturally, it hurts when you miss the gold. I’ll do better in the upcoming competitions, like the Asian Games… I would like to dedicate my medal to… https://t.co/pPtCnfQv70 pic.twitter.com/tq3PJnS0rP

— ANI (@ANI) July 30, 2026

सामन्याचा अंतिम निकाल क्लीन अँड जर्क राऊंडमध्ये लागला. लवप्रीतने २१२ किलो वजन यशस्वीपणे उचलले, मात्र २१७ किलोचा त्याचा प्रयत्न अपयशी ठरला. दुसऱ्या बाजूला, न्यूझीलंडच्या डेव्हिड लिटीने २२३ किलो वजन उचलून नवा गेम्स रेकॉर्ड बनवला आणि एकूण ३८९ किलोसह सुवर्ण जिंकले.

हेही वाचा – Seema Discus Bronze : PhD चे शिक्षण अन् मातृत्वाच्या जबाबदारीनंतर मारलं मैदान! सीमा कालिरामनने ग्लास्गोत पटकावलं कांस्यपदक

विजयानंतर भावुक झालेला लवप्रीत म्हणाला, “जेव्हा सुवर्णपदक अवघ्या १ किलोने हुकते, तेव्हा खूप दुःख होते. मी २१७ किलोचा जो प्रयत्न मिस केला, तो यशस्वी झाला असता तर सुवर्णपदक आपलं असतं. इथे खरंच एक-एक किलोची किंमत खूप जास्त असते. आता आगामी आशियाई क्रीडा स्पर्धेत यापेक्षाही चांगली कामगिरी करायची आहे.” त्याने या यशासाठी प्रशिक्षक विजय शर्मा, आयडब्लूएलएफ (IWLF) आणि इंडियन नेव्हीचे आभार मानले. (Lovepreet Weightlifting Silver)