Lionel Messi Hossam Hassan Fight FIFA World Cup 2026 : फिफा फुटबॉल विश्वचषक २०२६ मधील अर्जेंटिना आणि इजिप्त यांच्यातील ‘राऊंड ऑफ १६’ चा सामना केवळ खेळासाठीच नाही, तर मैदानाबाहेर झालेल्या एका भयंकर वादामुळे फुटबॉल इतिहासात नोंदवला गेला आहे. २-० अशा पिछाडीनंतर अर्जेंटिनाने ३-२ असा थरारक विजय मिळवला खरा, मात्र अंतिम शिट्टी वाजल्यानंतर अर्जेंटिनाचा कर्णधार लिओनेल मेस्सी आणि इजिप्तचे मुख्य प्रशिक्षक होसाम हसन यांच्यात टचलाईनजवळ अत्यंत आक्रमक भाषेत वादावादी झाली. हा वाद इतका विकोपाला गेला की, सुरक्षा रक्षक आणि पंचांना मध्ये पडावे लागले. या राड्यादरम्यान इजिप्तच्या कोचिंग स्टाफमधील एका सदस्याला थेट ‘रेड कार्ड’ दाखवून मैदानातून हाकलून देण्यात आले.

मैदानात मेस्सी-हसन आमनेसामने; ‘X’ चिन्हाने नवा वाद –

सामना संपल्यानंतर व्हायरल झालेल्या व्हिडिओमध्ये मेस्सी आणि होसाम हसन यांच्यात जोरदार बाचाबाची होताना दिसत आहे. या वादादरम्यान इजिप्तच्या मुख्य प्रशिक्षकांनी तातडीने आपले दोन्ही हात क्रॉस करून हवेत ‘X’ (Crossed-Arms X) असा आकार बनवला. हे चिन्ह फिफाचे अधिकृत ‘नस्लवाद-विरोधी’ (Anti-Racism Signal) प्रतीक आहे, जे २०२४ मध्ये मैदानातील वर्णद्वेषी गैरवर्तनाची तक्रार करण्यासाठी आणि फिफाचा ‘थ्री-स्टेप अँटी-डिस्क्रिमिनेशन प्रोटोकॉल’ सक्रिय करण्यासाठी सुरू करण्यात आले होते. मेस्सी किंवा अर्जेंटिनाच्या खेळाडूंकडून नेमके काय बोलले गेले याचा ऑडिओ समोर आलेला नाही, तसेच हसन यांनी हे चिन्ह मेस्सीला उद्देशून दाखवले की अर्जेंटिनाच्या बेंचला, याबाबत फिफाने अद्याप स्पष्टीकरण दिलेले नाही. मात्र, या इशाऱ्यामुळे जागतिक फुटबॉलमध्ये नव्या वादाला तोंड फुटले आहे.

इजिप्तच्या कोचिंग स्टाफचा मेस्सीवर हल्ला करण्याचा प्रयत्न –

This H@rami is Football Coach or Terr0ri$t?

Egyptian Coach Hossam Hassan threatened Messi after losing to Argentina.

Earlier this Hamas Supporter was displaying Palestinian flag after win over Australia.

Yesterday, Argentinians showed him his place by displaying Israeli flag. pic.twitter.com/f4kLes20kc

— BhikuMhatre (@MumbaichaDon) July 8, 2026

वाद सुरू असतानाच इजिप्तच्या कोचिंग टीममधील काही सदस्य आक्रमकपणे मेस्सीच्या दिशेने धावले. त्यातील एका सदस्याचा राग अनावर झाला होता आणि तो मेस्सी अंगावर धावून जात असतानाच अर्जेंटिनाच्या खेळाडूंनी मेस्सीला कडे कडेने घेरले. सुरक्षा कर्मचारी आणि मॅच रेफ्रींनी तात्काळ मध्यस्थी केल्याने पुढील अनर्थ टळला. मेस्सीवर धावून जाणाऱ्या इजिप्तच्या त्या सहाय्यक प्रशिक्षकाला पंचांनी तात्काळ ‘रेड कार्ड’ दाखवले.

हेही वाचा –  Mostafa Ziko Accuses : “मेस्सीला जिंकवण्यासाठी वर्ल्डकप फिक्स…!” ७९ मिनिटांनंतर सामना फिरवताच इजिप्तच्या खेळाडूचा फिफावर गंभीर आरोप; फुटबॉल विश्वात खळबळ

इजिप्तचा राग अनावर; “आता एकही सामना पाहणार नाही –

इजिप्तचा संघ चालू विश्वचषकातील सर्वात मोठा उलटफेर करण्याच्या उंबरठ्यावर होता. मात्र, ७९ व्या मिनिटाला रोमेरो, ८३ व्या मिनिटाला मेस्सी आणि इंजरी टाईममध्ये एंझो फर्नांडिजने केलेल्या गोलमुळे इजिप्तचे स्वप्न भंगले. ‘VAR’ ने मोस्तफा झिकोचा गोल रद्द केल्यामुळे इजिप्तचा संघ आधीच संतापला होता. तसेच, अर्जेंटिनाने निर्णायक गोल करण्यापूर्वी इजिप्तच्या हम्डी फाथीला चुकीच्या पद्धतीने खेचले गेले होते, ज्यावर रेफ्रींनी पेनल्टी दिली नाही. यावर संताप व्यक्त करत मुख्य प्रशिक्षक होसाम हसन म्हणाले, “आमच्या देशावर आणि खेळाडूंवर उघड अन्याय झाला आहे. मी यापुढे या विश्वचषकातील एकही सामना पाहणार नाही.”