त्यानंतर टेलीग्राम आणि सोशल मीडियावरील एक लिंक सागराला पाठवली. घरबसल्या पैसे कमावण्याच्या या संधीने तो प्रभावित झाला. सुरुवातीला यातून त्याचे ११ हजार रुपयांचे दहा व्यवहार झाले, ज्यामुळे त्याचा आत्मविश्वास वाढला आणि त्याने यामध्ये आणखी पैसे गुंतवले. मात्र, त्यानंतर त्याची मोठी आर्थिक फसवणूक झाली.

सागरला सुरुवातील कमी रक्कमेची मागणी करत विश्वास संपादन केला. त्यानंतर अधिक कमाईसाठी त्याला गुतंवणूक करण्यास भाग पाडले. यातून जमा होणारी रक्कम वॅालेटमध्ये जमा केली. काही काळानंतर २७ लाख रुपये काढण्याचा प्रयत्न सागरने केला. मात्र, ८० टक्के काम पूर्ण झाले आहे पैस काढण्यासाठी १०० टक्के काम पूर्ण होणे गरजेचे असल्याचे त्याला सांगण्यात आले.

पुढील टप्प्यात त्याला सांगण्यात आले की, १९ लाख रुपये गुंतवावे लागतील, त्यानंतर ३० टक्के टॅक्स भरावा लागेल. अन्यथा पैसे काढता येणार नाही, अशा प्रकारे सागर करांडेंकडून तब्बल ६१.८३ लाख रुपये उकळण्यात आले. यानंतर चुकीच्या खात्यात पैसे गेल्याचे सागरला सांगण्यात आले. यानंतर त्याला संशय आला आणि आपली फसवणूक झाल्याचे त्याच्या लक्षात येताच त्याने सायबर पोलिस हेल्पलाइनवर संपर्क साधून तक्रार दिली.