Vijay Wadettiwar : राज्यात सध्या राजकीय घडामोडींना वेग आला आहे. विधानपरिषदेच्या निवडणुकीवर भाजप आणि शिवसेनेत अंतर्गत संघर्ष निर्माण झाला असून, दोन्ही बाजूंच्या नेत्यांकडून एकमेकांवर आरोप प्रत्यारोप करण्यात येत आहेत. यामुळे राजकारण चांगलेच तापले आहे. अशातच काँग्रेस पक्षाचे नेते विजय वडेट्टीवार यांनी भाजपवर बोचरी टीका केली आहे.

“निवडणुकीत एकमेकांच्या विरोधात उभे राहिले, एकमेकांशी संवाद संपला आहे. निधीच्या फायली अडवल्या जात आहे. निधी वाटपावरून गोंधळ निर्माण झाला आहे. आता भाजपने ठरवून शिंदे सेनेची जिरवणे सुरू केले आहे.” असे विजय वडेट्टीवार यांनी म्हटले आहे.

देवेंद्र फडणवीस यांनी आपली व्यवस्था बरोबर करून ठेवली आहे

सरकारमध्ये प्रचंड भ्रष्टाचार वाढलेला आहे. दोघांच्या भांडणात सामान्य माणसाचे हाल होत आहेत. खाली कोणाचेही काम होत नाही. नवरा-बायकोसारखे भांडण सुरू असल्याचा खोचक निशाणाही त्यांनी साधला. पुढे बोलताना विजय वडेट्टीवार म्हणाले “सरकारकडे बहुमत आहे. देवेंद्र फडणवीस यांनी आपली व्यवस्था बरोबर करून ठेवली आहे. मित्रपक्षातील नेतेसुद्धा त्यांच्या संपर्कात आहेत. “मला असे वाटत नाही की, सरकार कोसळणार आहे.” असेही त्यांनी म्हटले आहे.

रवींद्र धंगेकरांच्या दाव्यावर वडेट्टीवार म्हणाले…

शिवसेनेचे नेते रवींद्र धंगेकर यांनी भविष्यात उद्धव ठाकरे आणि उपमुख्यमंत्री एकनाथ शिंदे एकत्र येऊ शकतात असा मोठा दावा केला आहे. या दाव्यावर विजय वडेट्टीवार यांनी आपले मत व्यक्त केले. “रवींद्र धंगेकर यांचा राजकीय अनुभव मोठा आहे आणि त्यांनी शिवसेना ते काँग्रेस आणि पुन्हा शिवसेना असा प्रवास केला आहे. त्यामुळे त्यांना ही माहिती नेमकी कुठून मिळाली, किंवा त्यांना सिग्नल कुठल्या प्लॅटफॉर्मवर मिळाला, हे त्यांनी स्पष्ट करावे.” त्यांच्या या मागणीला आता रवींद्र धंगेकर काय प्रतिक्रिया देतात की नाही याकडे लक्ष लागले आहे.

Nilesh Rane : “नवनाथ बन शिंदे साहेबांवर बोलताना लायकीत राहायचं”; निलेश राणेंचा इशारा