Neeraj Chopra, Lausanne Diamond League 2024 : नीरज चोप्राने टोकियो ऑलिम्पिकमध्ये सुवर्णपदक पटकावले होते. त्याप्रमाणे पॅरिस ऑलिम्पिक 2024 मध्ये त्याच्याकडून सुवर्णपदकाची अपेक्षा होती,मात्र त्याला रौप्यपदकावर समाधान मानावे लागले. आता नीरज आज (२२ ऑगस्ट, गुरुवार) पुन्हा एकदा ॲक्शन मध्ये दिसणार आहे. यावेळी नीरज स्वित्झर्लंडच्या लुसाने डायमंड लीग 2024 मध्ये सहभागी होणार आहे. पॅरिस ऑलिम्पिकनंतर नीरजची ही पहिलीच स्पर्धा असेल.

नीरजने पॅरिस ऑलिम्पिकमध्ये 89.45 मीटर भाला फेकला होता, जे त्याच्या मोसमातील सर्वोत्तम होते. यासह नीरजने रौप्यपदक मिळवले होते तर पाकिस्तानच्या अर्शद नदीमने 92.97 मीटर भाला फेक करून सुवर्णपदक पटकावले होते.

90 मीटर भालाफेकीचे असेल लक्ष्य…

नीरज चोप्राला स्वित्झर्लंडमध्ये खेळल्या जाणाऱ्या लॉसने डायमंड लीगमध्ये 90 मीटरचा टप्पा गाठायला नक्कीच आवडेल. नीरजने आतापर्यंतच्या कारकिर्दीत 90 मीटरचा टप्पा गाठलेला नाही. कंबरेच्या दुखापतीमुळे नीरजने या मोसमात डायमंड लीगमध्ये फारसा भाग घेतला नाही. त्याने दोहा डायमंड लीगमध्ये भाग घेतला होता, ज्यामध्ये त्याने 88.36 मीटर भाला फेक केली होती. लूसाने डायमंड लीग ही हंगामातील शेवटची डायमंड लीग असेल. यानंतर, नीरज सुमारे 2 महिन्यांचा ब्रेक घेईल, या दरम्यान त्याच्या कंबरेच्या दुखापतीवर शस्त्रक्रिया देखील केली जाऊ शकते.

स्पर्धा कधी आणि कुठे होणार?

नीरज चोप्रा गुरुवार, 22 ऑगस्ट रोजी लॉसने डायमंड लीगमध्ये भाग घेणार आहे. नीरज चोप्राची स्पर्धा भारतीय वेळेनुसार मध्यरात्री 12:22 वाजता (23 ऑगस्ट) पहायला मिळेल.

लाइव्ह कुठे बघायचे?

स्पोर्ट्स 18 च्या माध्यमातून तुम्ही नीरज चोप्राची ॲक्शन टीव्हीवर लाईव्ह पाहू शकाल. त्याचे लाईव्ह स्ट्रीमिंग JioCinema ॲप आणि वेबसाइटवर उपलब्ध असेल.

Paris Paralympics 2024 : भारतीय संघाचे सर्वोत्तम कामगिरीकडे लक्ष; सुमित अंतिलच्या नेतृत्वाखाली पहिली तुकडी पॅरिसला रवाना…

अर्शद नदीमचा सहभाग नाही…

या डायमंड लीगमध्ये असे पाच खेळाडू सहभागी होत आहेत, जे पॅरिस ऑलिम्पिकमध्ये टॉप-6 मध्ये स्थान मिळवण्यात यशस्वी ठरले होते. कांस्य पदक जिंकणाऱ्या अँडरसन पीटर्सचाही यात समावेश असेल. मात्र, पॅरिस ऑलिम्पिकमध्ये सुवर्णपदक जिंकणारा अर्शद नदीम या लीगचा भाग असणार नाही.