लातूर : राज्यातील जिल्हा परिषद आणि पंचायत समिती निवडणुकांच्या पार्श्वभूमीवर सत्ताधारी महायुती आघाडीने लातूर रेल्वे कोच फॅक्टरीत किती स्थानिक लोकांना नोकरी मिळाली आहे, हे जाहीर केले पाहिजे, असे आमदार अमित देशमुख यांनी म्हटले आहे. तसेच, जिल्हा परिषद आणि पंचायत समिती निवडणुकांमध्ये काँग्रेस सर्व जागांवर निवडणूक लढवणार असल्याचे त्‍यांनी स्पष्ट केले.

देशमुख म्हणाले, मराठवाडा रेल्वे कोच फॅक्टरीची स्थापना लातूर जिल्ह्यात झाली. यात स्थानिक तरुणांना रोजगाराच्या संधी उपलब्ध करून दिल्या पाहिजेत. हा मुद्दा जिल्हा परिषद आणि पंचायत समिती निवडणुकांच्या प्रचारादरम्यानउपस्थित केला जाईल. भाजपच्या नेतृत्वातील महायुतीने जनतेला सांगितले पाहिजे की रेल्वे कोच फॅक्टरीत किती स्थानिक लोकांना नोकरी मिळाली आहे.

लातूर महानगरपालिकेच्या निवडणुकीतील काँग्रेसच्या विजयामागे भाजपचे प्रदेशाध्यक्ष रवींद्र चव्हाण यांच्या विधानांचा हात होता का? असे विचारले असता त्यांनी सांगितले की, याचे श्रेय शहरातील जनतेला जाते, लातूरकर हेच आमच्या विजयाचे खरे शिल्पकार असल्याचे ते म्हणाले. राजकीय विश्‍लेषकांच्या मते चव्हाण यांच्या विधानांमुळे काँग्रेसच्या बाजूने मतांचे ध्रुवीकरण झाले. ७० सदस्यीय लातूर महानगरपालिकेत काँग्रेसने ४३ जागा मिळवल्या, तर भाजपला २२, वंचित बहुजन आघाडीला ४ आणि राष्ट्रवादी काँग्रेस पक्षला १ जागा मिळाली आहे.