Lalit Modi Returns : १६ वर्षांचा वनवास अखेर संपला! आयपीएलचे जनक ललित मोदी भारतात परतणार; कोर्टाच्या निकालानंतर केली घोषणा
Lalit Modi Returns : २१ जुलै रोजी अपीलीय न्यायाधिकरणाकडून (Tribunal) क्लीनचिट मिळाल्यानंतर ललित मोदी यांनी अखेर भारतात परतण्याची अधिकृत घोषणा केली आहे.
Lalit Modi Cleared By SAFEMA Tribunal Returns To India : आयपीएलचे संस्थापक आणि पहिले अध्यक्ष ललित मोदी (Lalit Modi) यांच्याबाबत एक सर्वात मोठी बातमी समोर आली आहे. २१ जुलै रोजी अपीलीय न्यायाधिकरणाकडून (Tribunal) क्लीनचिट मिळाल्यानंतर ललित मोदी यांनी अखेर भारतात परतण्याची अधिकृत घोषणा केली आहे. तब्बल १६ वर्षांच्या प्रदीर्घ कायदेशीर लढाईनंतर आलेला हा निकाल आपल्यासाठी अत्यंत महत्त्वाचा असून सत्य अखेर समोर आले असल्याचे मत त्यांनी व्यक्त केले आहे.
‘SAFEMA’ ट्रिब्युनलकडून मोठा दिलासा!
स्मगलर्स अँड फॉरेन एक्स्चेंज मॅनिपुलेटर्स (SAFEMA) ट्रिब्युनलने २००९ मधील दक्षिण आफ्रिकेतील आयपीएल फेमा (FEMA) प्रकरणात अंमलबजावणी संचालनालयाचे (ED) बहुतांश निष्कर्ष आणि दंड रद्द करत ललित मोदींना दिलासा दिला. २००९ च्या लोकसभा निवडणुकीदरम्यान सुरक्षेच्या कारणास्तव आयपीएलचा दुसरा हंगाम दक्षिण आफ्रिकेत घेण्यात आला होता. यासाठी बीसीसीआयने आरबीआयच्या (RBI) परवानगीशिवाय ४.९८ कोटी यूएस डॉलर्स परदेशात पाठवल्याचा आरोप ईडीने केला होता, जो कोर्टाने फेटाळून लावला आहे.
Only way I know. Is time always comes thru with me. Let’s celebrate life pic.twitter.com/tdyM2mNxsn
— Lalit Kumar Modi (@LalitKModi) July 21, 2026
१६ वर्षांनंतर मायदेशी परतणार –
#WATCH | IPL founder and first chairman Lalit Modi to return to India.
He says, “I’m really happy with the verdict yesterday. It’s really been a great day. 16 years I have fought and whatever I have been saying to the media and to everybody has finally emerged as the truth. I’m… pic.twitter.com/QTN7VkzuEy
— ANI (@ANI) July 22, 2026
या निर्णयानंतर बोलताना ललित मोदी म्हणाले, “मी १६ वर्षे संघर्ष केला आणि मीडियासमोर जे काही बोलत होतो, ते आज खरे ठरले आहे. मला फक्त आयपीएलच्या भल्याची काळजी होती. आता ते प्रकरण मागे सोडून मी आयुष्यात पुढे जाणार आहे.”
२०१० मध्ये करचोरी आणि आर्थिक गैरव्यवहाराच्या आरोपांनंतर लंडनला गेलेले ललित मोदी या वर्षाच्या शेवटी किंवा पुढील वर्षाच्या सुरुवातीला भारतात परततील. ऑक्टोबरमध्ये त्यांच्या मुलीला बाळ होणार असून, त्यानंतर सर्वकाही ठीक झाल्यावर ते मायदेशी परतणार आहेत.
