Gautam Gambhir Miss IND vs ZIM T20 Series VVS Laxman Head Coach : झिम्बाब्वे दौऱ्यासाठी बीसीसीआयने टीम इंडियाच्या मुख्य प्रशिक्षकपदाची जबाबदारी बदलल्याचे स्पष्ट केले आहे. भारत आणि जिम्बाब्वे यांच्यात २३ जुलैपासून सुरू होणाऱ्या तीन सामन्यांच्या टी-२० मालिकेसाठी मुख्य प्रशिक्षक गौतम गंभीर आणि त्यांचा सपोर्ट स्टाफ संघासोबत गेलेला नाही. गंभीर यांच्या अनुपस्थितीत भारताचे माजी दिग्गज फलंदाज आणि एनसीएचे प्रमुख व्ही. व्ही. एस. लक्ष्मण हे मुख्य प्रशिक्षकाची भूमिका पार पाडतील. जुलै २०२४ मध्ये गंभीरने पदभार स्वीकारल्यानंतर लक्ष्मण यांच्याकडे सीनियर संघाची धुरा जाण्याची ही पहिलीच वेळ आहे.  (Laxman Head Coach)

बीसीसीआयने कारण ठेवले गुलदस्त्यात –  (Laxman Head Coach)

गौतम गंभीर या दौऱ्यावर का जात नाहीयेत, याचे कोणतेही अधिकृत कारण बीसीसीआयने स्पष्ट केलेले नाही. मात्र, लक्ष्मण यांच्याकडे हा कार्यभार सोपवण्यामागे त्यांचा एनसीएमधील युवा खेळाडूंसोबत काम करण्याचा प्रदीर्घ अनुभव कारणीभूत आहे. यापूर्वी राहुल द्रविड यांच्या कार्यकाळातही जेव्हा सीनियर कोचिंग स्टाफला विश्रांती दिली जायची, तेव्हा लक्ष्मण यांनीच युवा भारतीय संघाला यशस्वी मार्गदर्शन केले होते.

कर्णधार श्रेयस अय्यरसमोर पराभवाची मालिका खंडीत करण्याचे आव्हान –   (Laxman Head Coach)

🚨VVS Laxman as India Head Coach🚨

– Ireland (2022) – Won 2-0
– Asia Cup (2022) – Eliminated
– Asian Games (2023) – 🥇 Gold Medal
– Zimbabwe (2024) – Won 4-1

India face Zimbabwe again from July 23 pic.twitter.com/yVtiMsxFk0

— Shubh 🏏 (@HexaStatz) July 22, 2026

या झिम्बाब्वे दौऱ्यावर भारतीय संघाचे नेतृत्व मधल्या फळीतील फलंदाज श्रेयस अय्यर करणार आहे. मात्र, गेल्या काही मालिकांमधील भारताची कामगिरी अत्यंत चिंताजनक राहिली आहे. भारताला नुकतेच आयर्लंडविरुद्धच्या टी-२० मालिकेत ०-२ असा पराभव स्वीकारावा लागला होता. त्यानंतर इंग्लंड दौऱ्यात पहिला सामना पावसामुळे रद्द झाल्यावर, उर्वरित चारही सामन्यांत भारताचा पराभव झाला आणि संघाने ती मालिका ०-४ अशी गमावली.

हेही वाचा – Rohit -Virat Future : “विराट-रोहितला पाठिंबा द्या नाहीतर स्पष्ट सांगा”, ‘या’ खेळाडूचा BCCI ला इशारा

सलग ६ पराभवांनंतर विजयाच्या पटरीवर परतण्याची संधी –   (Laxman Head Coach)

🚨 Changes In India’s Squad For The Zimbabwe T20Is in comparison to the England tour:

• Sanju Samson rested
• Prabhsimran Singh added
• Axar Patel rested
• Harshit Rana & Nitish Reddy ruled out
• Ashok Sharma & Yash Thakur earn maiden call-ups
• Rinku Singh returns
•… pic.twitter.com/6eHHvRd87e

— TheWicketReport (@WicketReport) July 22, 2026

भारतीय संघ सध्या आंतरराष्ट्रीय टी-२० क्रिकेटमध्ये सलग ६ सामने हरला आहे. या लाजिरवाण्या कामगिरीनंतर आता झिम्बाब्वेचा हा दौरा टीम इंडियासाठी फॉर्ममध्ये परतण्याची सुवर्णसंधी मानला जात आहे. व्ही. व्ही. एस. लक्ष्मण यांच्या मार्गदर्शनाखाली युवा खेळाडूंची फौज या दौऱ्यात पराभवाचे दुष्टचक्र भेदून विजय मिळवण्यासाठी सज्ज झाली आहे.