Ladki Bahin Yojana ।  राज्यातील महायुती सरकारला पुन्हा एकदा सत्तेत बसण्यासाठी अंत्यंत महत्वाची ठरलेली योजना मुख्यमंत्री लाडकी बहीण योजना. याच योजने संदर्भात महत्वाची माहिती समोर आली आहे. लाडकी बहीण योजनेचा फेब्रुवारीचा हप्ता आता वेळेच्या आधीच मिळणार आहे. समोर आलेल्या माहितीनुसार, “फेब्रुवारीचा हप्ता आजपासून देण्यास  सुरुवात होणार आहे. यासाठी वित्त विभागाकडून 3490 कोटी रुपये वर्ग करण्यात आल्याची माहिती देण्यात आली आहे. दरम्यान, यावेळी जानेवारीच्या तुलनेमध्ये फेब्रुवारीत लाभार्थींची संख्या घटण्याची शक्यता देखील वर्तवण्यात येत आहे.

अनेक महिला अपात्र ठरल्या ? Ladki Bahin Yojana । 
लाडक्या बहिणींचा फेब्रुवारीचा हप्ता कधी जमा होणार? असा सवाल उपस्थित केला जात होता. पण आता आजपासूनच लाडकी बहिण योजनेचा हप्ता  पात्र महिलांच्या खात्यात जमा होण्यास सुरुवात होणार आहे. डिसेंबर अखेर 2 कोटी 46 लाख महिला लाभार्थी होत्या. त्यातील ५ लाख महिला अपात्र झाल्यानंतर जानेवारीअखेर 2 कोटी 41 लाख लाभार्थी महिला होत्या. मात्र, अद्याप फेब्रुवारी अखेरची आकडेवारी आलेली नाही. मात्र, त्यातही अनेक महिला अपात्र ठरण्याची शक्यता आहे.

9 लाख लाडक्या बहिणी अपात्र ? Ladki Bahin Yojana । 
मुख्यमंत्री माझी लाडकी बहीण योजनेतून कमी केलेल्या महिलांची संख्या 9 लाख होणार आहे. यापूर्वी 5 लाख महिलांची नावं कमी करण्यात आली होती. आता नव्याने 4 लाख महिलांची संख्या कमी होणार असल्याची माहिती आहे. त्यामुळे राज्य सरकारच्या 945 कोटी रुपयांची बचत होणार असल्याची माहिती आहे. नमो शेतकरी योजनेचा लाभ आणि लाडकी बहीण योजनेचा लाभ घेणा-या 5 लाख महिला आहेत. या महिलांना लाडकी बहिण योजनेतील फक्त 500 रुपये मिळणार तर नमो शेतकरी योजनेतून 1000 रुपये मिळणार आहेत. दिव्यांग विभागातून लाभ मिळणाऱ्या महिलांना लाडकी बहीण योजनेतून त्यांना वगळलं जाणार आहे.वाहनं असलेल्या अडीच लाख महिला आहेत त्यांना ही यातून वगळण्यात आलं आहे. सोबतच निकषात न बसणा-या अनेक महिला आहेत त्यांनी ही पैसे परत करायला सुरुवात केली आहे.

हेही वाचा
पवित्र स्नानासाठी महाकुंभमेळ्याला जाणार का? एका शब्दात उत्तर देत राहुल गांधी म्हणाले…