Krirtik kamra: कृतिका कामरा आणि गौरव कपूर यांनी साधपणाने, मोजक्यात पाहुण्यांच्या उपस्थितीमध्ये घराच्या छतावर लग्न केले. कृतिकाने ‘डेस्टिनेशन वेडिंग’ न करण्याचा निर्णय घेतल्याने अनेकांकडून तिचे कौतुक केले जात आहे. मात्र हा निर्णय घेण्यामागचे कारण कृतिकाने सांगितले आहे. कृतिका कामरा आणि गौरव कपूर यांचा विवाहसोहळा नोंदणीकृत पद्धतीने पार पडला आहे. कृतिकाचा पती गौरव कपूर हा एक टेलिव्हिजन प्रेझेंटर आणि क्रिकेट कॉमेंटेटर आहे. अलिकडेच ११ मार्चला वांद्रे येथे त्यांनी राहत्या घराच्या गच्चीवर त्यांच्या लग्नसोहळा पार पाडला. (Krirtik kamra) Krirtik kamra: कृतिका-गौरवचे ‘डेस्टिनेशन वेडिंग’ न करता घराच्या छतावर लग्न; म्हणाली “धार्मिक विधींमध्ये…” एका मुलाखतीत बोलताना कृतिका म्हणाली, “आमच्यासाठी लग्न सोहळा महत्त्वाचा नव्हता, तर लग्नाचं नातं महत्त्वाचं होतं. त्यामुळे लग्न करायचं ठरवल्यावर सोहळा कसा करायचा हा आमच्यासाठी फार मोठा प्रश्न नव्हता. ३-४ दिवस चालणारे डेस्टिनेशन वेडिंग आम्हाला नकोच आहे, हे आमचं आधीच ठरलं होतं. आम्हाला वेळेच्या बंधनात अडकायचं नव्हतं आणि सकाळ-संध्याकाळ धार्मिक विधींमध्ये गुंतून राहायचं नव्हतं.” कृतिकाने सांगितलं की, “मी माझ्या लग्नात खूप आनंदी होते, कारण आम्ही यजमान म्हणून धावपळ करत नव्हतो. सूर्य मावळतोय म्हणून घाई करा, आता ही एंट्री झालीच पाहिजे किंवा इतक्या वाजता डान्स परफॉर्मन्स झालाच पाहिजे, असं सांगणारं तिथे कोणीही नव्हतं. आम्ही कोणासाठीही शो ऑफ करत नव्हतो,” असं कृतिका कामरा म्हणाली. ( Krirtik kamra) कृतिका आणि गौरवने मुंबईतच लग्न करण्याचा निर्णय घेतला कारण या शहराशी त्यांचं भावनिक नातं आहे. वांद्रे येथील त्यांच्या राहत्या घरीच हा विवाह सोहळा पार पडला. कृतिका म्हणाली, “मुंबई आम्हा दोघांसाठीही एक खास शहर आहे, त्यामुळे आमचं लग्न मुंबईतच व्हावं अशी आम्हा दोघांचीही इच्छा होती. हे तेच शहर आहे जिथे आम्हाला एकमेकांची ओळख झाली. त्यामुळे, डेस्टिनेशन वेडिंग आम्हाला योग्य वाटलं नाही.” कृतिका कामरा आणि गौरव कपूर यांचं नातं (Krirtik kamra) कृतिका कामरा आणि गौरव कपूर यांनी डिसेंबर २०२५ मध्ये एका सोशल मीडिया पोस्टद्वारे आपल्या नात्याची अधिकृत घोषणा केली होती. गौरवचे पहिले लग्न मॉडेल किरत भट्टलशी झालं होतं, पण २०२१ मध्ये त्यांचा घटस्फोट झाला. तर, कृतिका कामराने बऱ्याच वर्षापूर्वी अभिनेता करण कुंद्राला डेट केलं होतं. कृतिका ‘कितनी मोहब्बत है’ आणि ‘कुछ तो लोग कहेंगे’ यांसारख्या लोकप्रिय मालिकांसाठी ओळखली जाते. आता ती ‘मटका किंग’ या वेब सीरिजमध्ये झळकणार आहे. हेही वाचा: Nari Shakti Vandan Adhiniyan: महिला आरक्षणाशी संबंधित तीन विधेयके लोकसभेत सादर ; ‘या’ विधेयकांमुळे देशात काय बदल होणार आहे? वाचा
